السفر .. سِكة اللي راح عمره سُـدا
..................لا حصـلّه مـقام ‘ ولا حصـلّه مـقيل
ضيّع النفس آمانيها .. وحلمه غـدا
..................والطموح إستوى لـ الطامـحه مستحيل
يا (خوي المسافة).. وش حصيلك عدا
..................مهمه اللـيل.. وعيونٍ تسـيل وتخـيل
كل مالاح برق ٍ في سـمـاك.. إبتدا
..................حادي البعد يسرج لك خيول الرحـيل
ظـالم الحظ.. وأكثر من ظلام المـدا
..................كيف حطّك بـ وجه المهمهيّه .. دخـيل
ما بقالك رفيـق.. ولا بقالك عِـدا
..................غير درب ٍ على جنبيه.. مـات النخـيل
من ردا الوقت.. صابك يالمجرب ردا
..................وإنت يمنـاك.. عيّـت لا تمدّ القـليـل
صافح الغـيم كفّك.. ثم تساقط ندا
..................عادتك .. ما تبعت المد ّ.. مِنّـة بخـيل
سقت روحك على شان المبادي فِدا
..................وكل مـر ٍ تجرعـته.. بدا سلسـبـيل
ما لـ صوت الضواري وإن عرضلك جدا
..................صوتك اللي يهابه.. كل عابر سبيـل
فيك .. من تيّهته الموضـيات .. إهتدا
..................كنّك النجـم طول العام.. فيك الدليـل
لبْستّك الليـالي .. ضيم أهلها .. رِدا
..................وأصطفتك المواجع.. وإنت رجلٍ ثقيـل
كل جنب ٍ مهوب جنبك .. غشاه الصدا
..................وغير باعـك لحقه قصور.. لو هو طويل
(أصدق الحزن.. حزنك .. لاتعذل الحدا
..................جاوِبْ الريح في تنهيدتك.. يـ العليـل)
وإن جفتك المسـافه .. لا تلوم المـدا
..................ضفّ عزمك..وزمّ النفس.. وإنسا الرحيل
من ما راق لى
رد مع اقتباس
المشاركة الأصلية كتبت بواسطة سحابة ممطرة
