خان فيني من يبيني .. قفلت كل الدروب
مابقالي غير دربك .. وانتي اوفى يا شضايا
كنت احسب ان النوايا .. ماتغير بالقلوب
وضحك بقلبي واسولف .. كيف تغير النوايا
كنت احسب الشمس تضحك .. للقمر وقت الغروب
واثرها تنكف غيره .. والله اعلم بالخفايا
كنت اغني للمسافر .. عن متاهات الدروب
للأسف رد المسافر .. لادروب ولا هدايا
كنت امسح هالمرايا .. والمح بوجهي شحوب
كنت احاول اتجاهل .. للأسف صدق المرايا
كنت اناظر في الزوايا .. من شمال وهي جنوب
واتضح اني جنوب .. وكنت اغالط هالزوايا
ايه يا كبر المدينه .. لين ماهب الهبوب
طاحت ابراج وتهاوت .. وش بقالي من مزايا
غير جرح وبعض طيبه .. في بعض هاك القلوب
والسؤال اللي بشفاهي .. وش جنينا من خطايا
رد مع اقتباس
المشاركة الأصلية كتبت بواسطة اميرة الروح
