اكتب الشعر لجلك وانقشـه بالكفـوف
ورسمه في خدودك والعيون الصحـاح
من خدودك ورودي حان وقت القطوف
وفي شفاتك علاجي وبسمتك انشـراح
ورد خدك اسرني يوم عينـي تشـوف
تحت خدك مباسم مثل لولـو صحـاح
لو اصدق عيوني كان ممكن اشـوف
في جبينك حبيبي شمس اجمل صبـاح
شفت مثلك وربي في حياتـي الـوف
بس ماحب قلبي غيـر قلبـك وطـاح
ليت تسمح اشوفك لاتقولـي ضـروف
التقيبـك عسانـي انتسـى كــل اح
هاك كفي وقلبي في غرامـك شغـوف
هاك شعري وحبي زورقـي والجنـاح
انت عشقك غرامي امن من كل خوف
وانت يازين تعرف ايش معنى السماح
من جمالك وحسنك اكتب اجمل حروف
ومن طباعك وطيبك سايل الشعر ساح
بحر الاشواق فيني والمشاعر تطـوف
تحضنك يا ضنيني يـا اميـر المـلاح
دوم تجهل شعوري ودوم طبعك كسوف
ليش يانور عينـي تخفـى الانشـراح
ليش تقسى وتنسى ياحسين الوصوف
كل ماجيت يمـك صبتنـي بالجـراح
الجفا يااميري مثـل طعـن السيـوف
والتجاهل لخلك مثـل جـرح الرمـاح
ردلي قلبي رده من ضـلام الكهـوف
ياعرب ياقبايـل لجلـه اعلـن كفـاح
ياحروف اسعفيني وسط قلبي لهـوف
وانت ياهاجس اقبل حبه عطـر فـاح
قبل مااشوف فمك كنت شايف كسوف
لكن اليـوم شايـف القمـر بالبـراح
حايراً في غرامك بين لهفـه وخـوف
كل ما جيت اشوفك طار حضـي وراح
احلف اني احبك حب مالـه وصـوف
احلف اني عشقتـك يانسيـم الريـاح
كم تمنيت الفك فوق صـدري لفـوف
وارتشف ريق فمك واحضنك للصبـاح
ياليالـي حياتـي ادهفينـي دهـوف
كل ماشفت عينه فـز قلبـي وصـاح
في وصالك حبيبي هام قلبـي الـرؤف
والهنا والسعاده في خفوقي استـراح
رد مع اقتباس
المشاركة الأصلية كتبت بواسطة همس آلخفوق
