قصيدة قالت يحبني - بدر بن عبد المحسن
قالت يحبني ! سألتها بيتزوجك ؟
قالت مدري .....
قلت اسمعيني وخذيها كلمه من رجل يفهم للرجال !
( ترا اللي مايتزوجك مستحيل انه يحبك )
اللي مايهديك اسمه
ويتشرف بك تكونين حنانه
وياخذك عهد وأمانه
ويمنحك بيت وحياة
ويقسم ايامه لقلبك
مستحيل انه يحبك ..!!!
أي حب اللي تبينه !
أي رجل تصدقينه !
اي عمر تضيعينه !
وأي زهر تذبلينه !
يا حننونه .. يا رقيقة .. يا وفية ..
ع البساطة أحسبيها .. وإفهميها .. وإعقليها
اللي مايتزوجك مستحيل انه يحبك !
يكفي العمر اللي ضاع
ويكفي الشمع اللي ماع
متى تخلص هلحكاية !
مره اتخذي قرار!
ينقذك من هالضياع !
فارقيه و عيشي عمرك !
فارقيه وشوفي زهرك
فارقيه وأمشي دربك
توبي عن ذلك وذنبك
وإن ضعفتي مره ورد الحنان
حطي في بالك حقيقه
قاسية حيل ومريرة
اللي مايتزوجك مستحيل انه يحبك
رد مع اقتباس
المشاركة الأصلية كتبت بواسطة نسر البوادي
