تحسب اني لا زعلت .. برضخ لك واجيلك؟
لاوربي ماخلق منهو يبي ينهـي اعتبـاري
علميهم يا ليالي العز وش قـد أشتكيلـك؟ \
من ليالي الهم والله شفت موتي وانتحـاري
لا حشا والله يعلم ماني والله مـن حصيلـك
أترفّع بالمكانه وساري ليـل العـز سـاري
تذكر اني يوم احبك يومي بالعشره خليلـك
أمسح دموعك ويطري في خيالك الف طاري
تذكر اني من غلا قلبك اضيع بحـزن ليلـك
أتبع النجمات والله وسط ليلي وانـت داري
تو تذكرني؟ عسا ماشر؟ قلي مـن عميلـك؟
الخيانه في عروقك ليلنـا يغشـا النهـاري
كنت فرحي والسعاده سيل مزنن يوم أخيلك
برق طيفك لا رعدته قلت لك بالحب شـاري
مادريت أنك رديـن ماتنعّـم فـي مقيلـك
أرخصك وأرخص مقامك ذوق مره حر ناري
لا تحسب اني أبندم واتبع المقفـي دخيلـك
والله اني ماتبعتك لو سرى ليـل انتظـاري
لا تعذر لي وتبكي شيل غدرك فـي شليلـك
وأن حملته في شليلك انفضه ويبقا اغبـاري
بنت قوم (ن) بالكرامه صيتهم ايهـد حيلـك
خالها عز ومهابه بنـت صيّـاد الحبـاري
مات حبك في عيوني وكثرتك تشبـه قليلـك
منت كفون للعطايا قلبك امن العـز عـاري
اي ابعلنها وتاصل كلمتـي لحـدود ميلـك
ما رضخت الراس لأجلك ايه أبعلن انتصاري
مات حبك وانتهينا ماعلـى الدنيـا مثيلـك؟
واطين بالفعل مثلك ما يغيـر مـن قـراري
لف غدرك ياجنوني واطويه في حبل ذيلـك
ولقني مقفاك واذلف جـاك رد الاعتبـاري
رد مع اقتباس
المشاركة الأصلية كتبت بواسطة ابوقيس99
