مسَآحه فآرغه ، أملَؤُهاا بِ أَبّيَات من ذَائقّتُكمّ الرَاقِيَهٌ

[كاسر صحن]

صباحكم / ومساكم سعادة*



مساحة فارغة .. وضعت تحت ايديكم ..*
اجعلوهاا تزخر بأبيات من ذائقتكم الراقية ..

هنا سيكون متنفس شعري من مختاراتكم .."*

[امنتك الله]

رووعه يا كاسر صحن
بحاجة لمساحات لمشاعرنا التائهه

... لي عووده ..

وشرف لي دعووتك والحضوور الاولي هناااا

[كاسر صحن]

ننتظر حضورك اختي الكريمه #

[كاسر صحن]

حين تشعر ان وجودك ليس مهماً لا تبقى" !!

[كاسر صحن]

رحيل الشيء للأبد أهون بكثير من العيش على أمل عودته ولا يعود ." !

[كاسر صحن]

ترى المفروض .. تتكلّم ,
عن إللي فيني تسألني

إذا إنتْ إنسان ما تفهم
شسوّي فيك ؟ - علّمني !

[الشيخه الفلانيه]

يا قليّل الجيّـة .. كبيـر المكانـه
ما غبت لحظة عن طواري حبيبك !



تدور الأرض ، وكل شي بـ/ مكانه
يا ليتها مـرّه تـدور ، وتجيبـك !*

[الشيخه الفلانيه]

هنا بين الزهور .. و غيمة الود .. و سنا شمسك*
هنا .. كانت مواعيد الغرام العذب بآخرها


هنا .. كان المكان يعطرّه روح و شذى همسك*
هنا .. كل الحروف بطلّتك يبست حناجرها


هنا .. أجمل ورود العشق , قالت : يا غلاي امسك*
نيابة عن مشاعر عاشق عيونك .. و شاعرها


هنا مرّيت .. مير آخر عهد بمْصافحة خمسك*
ضحى صبّت عيونك حرّ دمعك في محاجرها !


تعبت اعيش لحظات العمر .. في ذكريات امسك*
و تعبت اعدّ نجمات المسا الموحش .. و اسامرها


و على كثر الظروف القاسيات .. اللي تبي طمسك*
تحاصرني ملامح وجهك البدري .. و احاصرها !


متى تعشب شرايين الخفوق بهمسك .. و لمسك ؟!*
و تعيش اوّل مواعيد الوصل .. و تموت آخرها

[الشيخه الفلانيه]

للحزن في صدري حوابيط و عْذوق*
يروى تفاصيلي .. و يثمر قوافي


ملّيت اردّد شعري بصوت مخنوق*
و جفن الأماني ف / المسافات غافي


مرات اقول ان الشعر سبّة العوق*
و مرات اقول انّه خوي ٍ سنافي


مرّ السحاب .. و لاح في صدره بْروق*
و انا سنيني تشتكي من جفافي


انا الضعيف اللي من الطين مخلوق*
و انا الحزين اللي جرحْه التجافي


لا تطوّل الغيبات يا حادي الشوق*
والله ماني من جفاك مْتعافي


البال .. من برد الهواجيس محروق*
و سمر الليالي .. مالها حضن دافي


و طيفك يساومني على دمعة الموق*
و الدمعه اصغر من سموم الخوافي


جيتك معي قلبي و عمري ف / صندوق*
امشي وسِط صُلف المقادير حافي


مالي على الغالي مشاريه و حقوق*
ان كان ما هو بالأحاسيس وافي


عذرك معك من غبت يا حادي الشوق*
عذرك سمين .. و عْذر شعري جفافي !

[الشيخه الفلانيه]

رمل الورق .. يشره على .. مزن حبري*
قد له ثلاث شهور .. ما بلّ قاعه !


وانا .. _ على كبر المشاريه _ .. عذري*
ما للقصيد احيان .. موعد و ساعه


في خلوتي .. ما بين سجّات فكري*
و الليل .. حزّم ما بقا من متاعه


قال القمر : بآغيب .. ثم قلت : بدري !*
قال : الضيا فالشمس .. واعكس شعاعه


قال : اتهقى بآموت ؟ .. ثم قلت : مدري*
قال : العطا ما يموت بعد انقطاعه


يا صاحبي .. ما نزّل الوقت قدري*
لن لي مع أهل القناعه .. قناعه


ذاك القمر .. يشبه مشاوير عمري*
يعكس مفاهيم العفيف .. و طباعه


يا صاحبي .. خوفي من اهوال قبري*
اليا ادفنوني .. _ فالتراب _ .. الجماعه


يضيق من كثر التحاسيف صدري*
اذا ارتكبت ذنوب .. واهملت طاعه


مؤمن و راضي .. في غناتي و فقري*
و مالي في غير إرضاء ربي طماعه


عساني القى خير في تالي امري*
و القى شفاعه .. عند ربّ الشفاعه


رمل الورق .. زان بنواوير شعري
من بعد ما مزن الحبر بلّ قاعه . .