افيدوني بارك الله فيكم تعبت وربي😭

[مروة الغافري]

بسم الله الرحمن الرحيم
السلام عليكم ورحمة الله وبركاته
أول شي حابه اقول مشكلتي وان شاء الله تكون بالقسم الصح واذا مو بالقسم الصح أهم شي افيدوني تكفون
انا من فتره كان يجيني جاثوم بشكل كبير وصرت حتى أخاف انام عشان التعب والخوف اللي أحس فيه لما يجيني أحس بشي يخنقني ما اقدر اتكلم أو استغيث بحد مرات أحس أني اطيح من مكان مرتفع ومره من المرات شفت ظل اسود وانضمت وحسيت انه يطيرني والله معاناه وايد تعبت وكنت اصحى الهث وقلبي يدق وانقطع هالشي فتره ولله الحمد بس امسسسسسس جاني بشكل قوي حسيت انه أعمى عيوني وما صرت اشوف شي وبدأ يخنقني ما قدرت اصرخ بديت أذكر ربي كأنه حقيقه مش حلم صرت أتشهد حسيت نفسي بموت والحمدلله صحيت بس بعد ألهث وإذني تسوي طنين والله خفت وقمت أشغل المصابيح حسيت برجع لي من جديد وكنت خايفه انام شلون أتخلص من هذا الشي لا تقولون ضعف دين الحمدلله صحيح مو ملتزمه بس الحمدلله مأديه فروضي الدينيه وأخيرا تكفون افيدوني ليش هالجاثوم مو راضي يهدني وكيف أتخلص منه💔💔💔

[الحب الخجول]

سبحان الله

اول شيء تعمليه وانت متوجه للنوم تتوضيء وتصلي ركعتين وتدعين بادعية اي ادعية وتصلي على الرسول صل الله عليه وسلم ومن ثم تجلسي على فراش النوم وتتوجهي للقبلة وتقرئي سورة الحمد واخر اية من سورة البقرة وسورة الملك والمعوذات وبعدها تقولين _ اعوذ بكلمات الله التامات من شر ما خلق _ (واخر شيء تقولي اللهم اني اسالك خير هذه الليلة وخير ما فيها واعوذ بك من شر هذه الليلة وشر ما فيها ) وتقولي بسم الله وتنامي وان شاء الله راح كل شيء ما زين يذهب عنك

[مروة الغافري]

[quote=الحب الخجول;1209757]سبحان الله

اول شيء تعمليه وانت متوجه للنوم تتوضيء وتصلي ركعتين وتدعين بادعية اي ادعية وتصلي على الرسول صل الله عليه وسلم ومن ثم تجلسي على فراش النوم وتتوجهي للقبلة....
شكرا لك وكله خير إن شاء الله تعالى ويارب يجيب نتيجه لأن بجد تعبت من هالشي وصرت وايد أخاف انام عشان هالسبب😔😔😭

[اموووره]

يا عمري الله يكون فعونك ..
حبوبة انا مره قرأت انك إذا نمتي ع ظهرك راح تجيكي حاله الجاثوم ..
حاولي تنامي ع جنبك الأيمن وخلي يدك تحت رأسك ..
لا تنامي بدون ما تقري أذكار النوم وسورة الملك ..
طبعا أذكار الصباح والمساء ما يحتاج أذكرك فيهم ..
ان شاء الله هالأمور ما راح تراودك مره ثانية ..
ولا تجلسي تفكري فيهم وتسوي رعب لنفسك ..
عاد خبرينا ويش يصير معك تمام الغلا ..

[ســــ المحبه ــــهم]

سبحااان الله .. الله يعينك اختي ..
هذا امتحان من الله يعني المؤمن يتحصن بالله وبكتابه والله يتولنا برحمته ان شالله...
حاولي ترطبي لسانك بذذكر الله ..

[مروة الغافري]

شكرا اختي الغاليه على نصائحك واهتمامك. .الحمدلله على كل حال ..هذا الشي يجيني بين فتره وفتره مع اني الحمدلله ما مقصره وحاليا ملتزمه بقراءة سورة البقرة بس والله ما ادري ليش مو راضي هالجاثوم يهدني .!!
وكله خير إن شاء الله تعالى ♡

[مروة الغافري]

كله اختبار وان شاء الله ما يمر عليج هالشي يارب تسلمين

[البروفيسور عيسى]

السلام عليكم ورحمة الله وبركاته.

الله يعافيك، أول شيء توضي وصلي ركعتين وبعد ذلك نقرأ المعوذات والفاتحة وسورة الملك.

ولاننسى النوم على الجانب الأيمن وبالشكل الصحيح.

وحاولي تكثري من الإستغفار والتسبيح، ودائما الصلاة على النبي صلى الله عليه وسلم .

[مروة الغافري]

السلام عليكم ورحمة الله وبركاته.

الله يعافيك، أول شيء توضي وصلي ركعتين وبعد ذلك نقرأ المعوذات والفاتحة وسورة الملك.

ولاننسى النوم على الجانب الأيمن وبالشكل الصحيح.

وحاولي تكثري من الإستغفار والتسبيح، ودائما الصلاة على النبي صلى الله عليه وسلم .

شكرا لك اخي الكريم وربي يجعلها بميزان حسناتك إن شاء الله تعالى ��

[مائة بيسة]

ربي يشفيك...نتمنى من المختصين الإجابة