اقول تكفى خلها وسط الاعماق
الضيقه اللي جاوزت كل ضيقه
خل الهموم اللي احرقت قلبي احراق
تشعل بتالي مابقى به حريقه ...
ماهي على ظنك مواعيد وعناق ...
هذي الحقيقه كان تبي الحقيقه
السالفه طبع الزمن دوم بواق
يخلف ظنون اللي عهوده وثيقه
ماضاع لي عهدن ولاخنت ميثاق
ولاني رفيق خان خطوة رفيقه
ويم الضما ماشدني ضوح براق
مهما سطع في وسط عيني بريقه
جيتك عذر لمواجه اللوم سباق
باحساس صادق والمحاجر غريقه
كن الحياة غروب وبشوفك اشراق
شمسن لعمري غير شمس الخليقه
واقول تكفى خلها وسط الاعماق
فرحة عمر صارت بالاعماق ضيقه