هلا مرحبا وأهلين واقوم له تبجيل
بقاف عن اقصى القلب ماشي يرده
لفى من رفيق ثابت والزمان يميل
والى عدوا الاصحاب باولهم نعده
شكى من عنا قلب تولع بوادي النيل
ومن دونه ( العارض ) ودونه (بحر جدة )
خفوقه ضواه الليل ياويله من الليل
تكافج يبا المنهاج وضلوعه تحده
الا يارفيق ما رضينا به التبديل
رفيق على مبداه باليسر والشدة
نخاني يبي سج القدم صوب وادي النيل
ديار فواده يعشقه حيل ويوده
يبي خوة بالحال ماتقبل التاجيل
لان الخفوق من العنا واصل حده
أنا يابو ياسر طالبك تقبل التعليل
ومثلك اذاجاه العذر قال ماارده
انا خوتك والله شفق عليها حيل
ولكن ظروف تمنع اخوك وتلده
اتمنى ان ترتقي لذائقتكم
رد مع اقتباس
