اقـص الـراس قدامـك ولا اخضـع لأشكالـك

[مجنونك ما يخونك]

لجبرك الوقت ترجعلي جبـرك وجيتنـي ندمـان

دمرك الشوق يا خايـن وجيـت تسابـق ظلالـك

عرفت الحب بغيابي وعرفت انك معـي غلطـان
تاكد مـا يشرفنـي طريـق(ن) دربـه وصالـك

تبيني اخضع لجل عينك وانا ما اخضع ومهما كان
اقـص الـراس قدامـك ولا اخضـع لأشكالـك


لعبت بحسبة جروحي وكتبت من الحزن عنـوان
ونسيت اللي يحبك موت وصار الغيـر يحلالـك


اذا غيري يبي قربك وصـرت فبحـره الغرقـان
نصيحه لا يموت الحـب ومـن قلبـي هنيالـك


تشب النار في قلبي وتنسى انـي معـك انسـان
تخالط بالشقـى هيلـك وصـب الهـم فنجالـك


بعد ما انقلبت الدنيـا تجينـي محتـرق ولهـان
وتقول ارجوك سامحني ووعـد منـي ابوفيلـك!!


تبي قربي انا حاضر ولكـن بطلبـك مـن شـان
تشوف شلون لي عـزه تـرد الجـرح لامثالـك


أبي تبكي على شاني وابي تصرخ من الحرمـان
ولو اني بآخـر الدنيـا ابسمـع صـوت موالـك


ابيك تصير مجنوني ومن شافـك يجـي شفقـان

يقول شلون علمنـي وش اللـي غيـر احوالـك؟


تدل الدرب من دونـي وقدامـك سكـة الأحـزان
توكـل لا تنادينـي ويعينـك الله علـى حـالـك


وانا يكفينـي ذليتـك وحديتـك علـى الهجـران
تقول الموت من بعدك واقـول هنـااااك اشوالـك


غسلت ايديني من حبك وبرحل واهجرك يافـلان
فمـان الله وباقيلـك نصيحـه خلـهـا فبـالـك


ترى من يضحك الاول مصيره فاللعب خسـران
وانا من يضحك الثانـي عشـان احطـم آمالـك

[نوارة الكون]

سلمت يمناج غاليتي
انتقاء جميل وتواجد اجمل
دمتي في حفظ الرحمن ورعايته

[رايق البال]

هلا فيك مجنونك ..
نص واختيار لايجيده سواك بالتأكيد
الف شكر لجهدك واختيارك وتفاعلك الجميل
طابت صباحاتك ..

[حبي خالص]

يسلمووو للاختيار العذب مجنونك

[ضحية غرامك]

[الشيخه الفلانيه]

،







قصيدههء جميله ;
كُل آلششكرْ عَ آلأنتِقآء
يعطيكِ آلله آلععآفيهً !

[ツઇ قلبٓ طِفلَةّ ઇ]

السّلامُ عَلَيكُمْ
كَنَتْ هُنَا .. وَاِسْتَمْتَعَتْ بِهَذِهِ اللَّوْحَةُ الشِّعْرَيَةَ الْفَرِيدَةَ مِنْ ذَوْقِك
دَامَ نَبْضُ ذَوْقِك
لِرَوَّحَك البَيِلَسَانْ