من باب ، تقديرالمحبه والأحبــــاب
ومن باب ، مابيني وبينك ، كلافه
ومن باب ، بعض الحب والشوق غلاب
جيتك وله ، ماجيت ذل وضعافه
ومن باب حاول تعذر الشخص لاغاب
من غـــاب ،، يعلن توبته وإعترافه
ومن باب ، من يكرهك يجرح ويغتاب
رفعت نفسي عن دروبالسخـــــافه
صار الخطأ ، لاجا يجي ماله آسباب
والذنب صار اليوم ، سهل إقترافه
شف قلبي المجروح ، يصرخ ومرتاب
ذنبه يبيك ، وغيرك اليوم عافه
من دون موعد جاك ، منهك ومنصاب
واقف على شاطي غلاك وضفافه
لا ياوجودي ، وجد غافل ولا تـــاب
اللي قطـار العمر ، روّح وطــــــافه
لو الجروح اللي تجينا ، من آغـــراب
كان إختصرنا فالهموم ، المسافه
حتى المكان اللي دفن سر الآصحاب
أسمع صدى صوته ،، يردد حسافه
رد مع اقتباس
المشاركة الأصلية كتبت بواسطة نوارة الكون
!
