معوض خير ياقلبي
انا وشلون ابادله عن لحون حبلها ممدود
ياليتك يالطواري تعتزلها ماتغنيها
ليا جريت صوتك قلت تكفى لاتجره زود
ياعبدالله لحونك تبحث بنفسي خوافيها
تقول انك على قلبي تصب الملح والباررود
تذكرني بجراتك علوما ُ كنت ناسيها
طرى لي من تناسى رفقة ماحاشها منقود
قطع وصل الصداقه عقب ماشيد مبانيها
رمى معنى الرقافه لين ساقتها هبوب النود
صحيب منصح له باول الرفقه وتاليها
على سلم الوفاء صافيته وكل الرجال اشهود
ماجاه لا المعزه واالكرامه مايراعيها
تناسى عشرة بيضاء سفيره بالليل السود
وهانت عنده راحه ذهيبه في مساريها
طواه الشك وضنونه تقوده للقطيعه قود
وانا صافي ضمير ورفقة الغالين حاميها
اصون العهد الخوه ثمينه والثمن مردود
ولا حطيتها سلعه لبايعها وشاريها
انا من فضل ربي حر بن حر وعريب اجدود
تصافيني رجال تحسب حسابي واصافيا
ومن لا يحفظ المعروف ماله بالملامه فود
تعداه المشاريه هو وياحظه مااشتقى فيها
تروح الهقوة لبعض الرجال بطيبها وتعود
تصيب تخيب وحقوق الرفاقه مانخليها
دروب الارض واجد والخطيه دربها مسدود
ولا عشنا نخم وجيه خلق الله ونخطيها
ياكثر الي خذوا من دم قلبي جوده المحمود
وخلو له من الذكرى فصولً مايدانيها
نساني صاحب وهاجر حبيب ولا شكيت الكود
ولو ان الحسافه فوق صدري تبسط يديها
معوض خير ياقلبي عن الماضي وانا موجود
اهدي روعتك واعد نبضاتك واواوسيها
عزيز النفس مايرضى الهوان ولا يخون اعهود
حفظ مبداه ماينشد عن الناس ومباديها
ياراسي ماعليك اخلاف من رؤس الكرام اجود
على قول العرب ما للجروح الا مداويها
رد مع اقتباس
المشاركة الأصلية كتبت بواسطة ثابت الخطى
