انته.. وانا..والليل..وانفـاس الاشعـار
والرمـل والقمـرى علـى بـحـر هــادي
يــدك بـيـدي واثـارنــا مـــد الانـظــار
واشواقـنـا تشـكـي عـــذاب الـبـعـادي
فتحـت لـك قلبـي وصنـدوق الاســرار
وانشدت لـك بـوح الغلـى مـن فـؤادي
نـام البشـر واحنـا مـع النـجـم سـمـار
وجـمـل سوالـفـنـا هـبــوب الـبــرادي
خـايـف علـيـك انــه تبـعـدك الاقـــدار
ولا عـاد اشـوفـك يــا معيـنـي وزادي
ويصيـر بعـدك خافـقـي يشتـعـل نــار
وعنـد البشـر كنـي بسـجـن انـفـرادي
واعـيـش مــع ذكــراك والـدهــر دوار
ويطـيـرعـن عـيـنـي لـذيــذ الـرقــادي
حبـك بقلبـي داخـل حصـون واســوار
وغلاك ما يوصف غلى شخص عادي
احـس بوجـودك شــذي فــل وازهــار
وانفـاس عـطـرك ريــح وردٍ وكــادي
وليـا ابتسـم ثغـرك طفـت كـل الانـوار
وليا حكيت، اسكـت، ويعـزف عبـادي
يحفضك ربي مـن حسـد كـل الاشـرار
لانــك مـنـى روحــي وغـايـة مــرادي
رد مع اقتباس
المشاركة الأصلية كتبت بواسطة مجنونك ما يخونك
!
