أبكي على عمرٍ قضيتـه برجـواك = بيـن الامانـي والوهـم والحقيقـه
لاجيت أبنسى صادق الشوق نـاداك = وشلون أبنسـى الذكريـات العتيقـه
أذكر خيالي كـل مـازار ذكـراك = ومـرك مابيـن الثانيـه والدقيقـه
دمعة عيوني صافحت كـف يمنـاك = وضلوع قلبي مـن عذابـك حريقـه
تعصف بي الذكرى على شط مرساك = وانت البحر كنـه يـروف بغريقـه
الجرح ينزف كل ماحـل طريـاك = أعيش مـع ذكـراه هـمٍ وضيقـه
ماطعت في حبـك لا هـذا ولا ذاك = أحساس صادق والمشاعـر رقيقـه
كسرت خاطر من يحبـك ويهـواك = وقيـدّت قلبـي والايـادي طليـقـه
ضحيت في دنياي من شـأن دنيـاك = وخنت المبـادي والعهـود الوثيقـه
عشّمتني بالحـب واخلفـت مبـداك = وخليتنـي بدمـوع عينـي غريقـه
بديت بالفرقا .. وغيّـرت ممشـاك = وحطمت في صـدك قلـوبٍ شفيقـه
آخر ضحيـه تنشـد أول ضحايـاك = وصوت الحقيقه مابعد جـف ريقـه
بالله قلـي مـن يسـوي سـوايـاك = وكاس الندم بالحب محـدن يطيقـه
ياخاين العشره عسـى الله يجـزاك = وتعيـش ماعشتـه مجـرد دقيقـه
يالعنبـو قلبـن حنيـنـه تمـنـاك = وأختار حبـك بيـن كـل الخليقـه
رد مع اقتباس
المشاركة الأصلية كتبت بواسطة عملاق الشعر
