لا حول ولا قوة إلا بالله
هذي الجمله اللي كنت اقولها في بالي طول الوقت وأنا اسمع الإنتقاد...
اشتغلت طوال شهرعلى مشروع في العمل و مطلوب منا نحصل على رأي بعض الموظفين.
بعض الموظفين عطونا بعض التعديلات على بعض الأمور مثل الصور و الكلام او إظافة بعض العبارات.
بعض الموظفين مدحونا و قالوا ان الفكرة جميلة
و شخص رأيه كان كالتالي:
شو هالصور!
أخيه هالصوره لوعتني!
ولا صورة حلوه بس هذي يمممكن دخلت مزاجي!
وليش هاللون الخايس.. غيروا ألوانكم شوي !
و أنا ............... "لا حول ولا قوة إلا بالله"
أولا: شو راح يضر إذا كان الإنتقاد بأسلوب و كلمات لطيفة ..؟
ثانيا: قبل الإنتقاد ممكن نفكر شوي .. كم من الوقت و المجهود الطرف الثاني بذله في انه يطلع بهالفكرة!
ثالثاً: اذا ما عندك كلمة طيبة او ماعرفت شو تقول فأحسن شي تسكت و تبتسم ..
كلمة طيبة منك ممكن تخلي الشخص يدعيلك و يومه يكون سعيد بسببك..
و اتمنى لكم يوم جميل و ان تصادفكم مواقف سعيده جميله بعيدا عن المضايقات و الانتقادات السلبية ..