ياصاحبي دعني ترا كلي اجراح
لوانك بقربي كان تسمع ونيني
الجرح الاول باقي ما بعد راح
وقفت حياتي بين قشره سنيني
انا من الايام ماني بمرتاح
اضحك دقايق والحزن محتويني
والحزن جوه مغبر كله ارياح
لاشفت عجه قلت ربك يعيني
الزير سالم من عنى وقتنا طاح
وكليب خلته الليالي حزيني
صدري من الاحزان ياصاحبي فاح
كأني سجين الدم ماهو بيديني
ووجيهنا من صكه الدهر كّلاح
من طول ما حنا كذا ممحليني
ايام الاحزان يا وين الافراح
هذا الكلام الصدق يا سامعيني
ابكي على وقت(ن) لنا راح وانزاح
لامن ذكرته هلت دموع عيني
من حرها فالصدر قلت اح ثم اح
الله يفرجها على الصابريني
لامخلب يحفر ولاعندي جنااح
احووم في اللجه ولو ساعتيني
حتى المطر من ذنبنا وين ماطاح
الله يريحنا من الحاسديني
كم حاااسد مافك الاجواد ترتاح
اشوي ويحط اصبعه وسط عيني
وجيه فرقاها مثل جني الارباح
تنهى الزمان الي يركبك يديني
رد مع اقتباس
