أنا واجد عندي مواقف لا زالت محفورة في عمق ذاكرتي 🌞 . .
بس بخبركم وحدة ، لمن كنت في الصف السابع كنت أعاني من ألم في الأسنان ، وهذا الالم ما اختر يحل علي إلا في نهاية الاسبوع وقتها كانت عيادات الأسنان ما تفتح في الاجازة ، رغم أن أبوي مرّ على أغلب العيادات وما حصل ، المهم أمي وجدتي الله يطول بعمرهن ، كانن يجيبن لي اللي هي الاشياء التقليدة ، قرنفل وملح وهالاشياء ، بس شكل السوسة أقوى من كل هذا ما ينفع معها ، زين مدري كيف خطر على بالي هذا الشيء واكتشفت علاج خطير 🌞💡 ، كنت أشوف عليه وأطالع وأقرأ النشرة المكتوبة عليه ، أقلب العلبة يمين يسار ومكتوب عليه يقضي على الجراثيم وبياض ناصع 🌚 ، زين هذا المنتج كان اللي هو "كلوركس " هههه ، المهم جبت منه قطرات وحطيته على معجون الأسنان في الفرشاة وقمت أفرش أسناني وركزت على مكان السن اللي يعور ، والله تصدقوا أن الألم سكت ، ولا عاودني الحمدلله والشكر ، وكانت أمي تشوف علي فرحانه ومستانسه وتتفحصني تقول كيف الألم الحين ، قلتلها أي ألم ، زين خبرت امي بسالفة ، قالت بنتي شكلك قتلتي الأعصاب وتمت تتنازع ، بس هي بعد منصدمة أن توقف الألم نهائي . وهيك طلعت أكتشف أدوية خخخ