يِعَجْزَ الحب ياصف ما بخاطر خافقٍ يهـواك
ولا يقدر يعبِّر عن خبايا النفس بلساني
**
أنا بالحب أعشق ظلك السامي بعد وافداك
وهذا بعض ما فيني ولا يوصِّل لعنواني
**
شراييني تودِّك تمتلي بالشوق كثر خطاك
تغذي قلب محبوبك وهذا الشوق أضناني
**
وروحي تعيش لحظات الهنا حلوه مضت واياك
ولا تنسى أبد ساعة هوى قلبك تمناني
**
عجمت حروف حبي ما لقيت اللي وصف لقياك
ولا حتى وصف حبك ولا كيف الوله جاني
**
ولا كيف اني أتنهد الى منِّي جلست حداك
ولا حتى يوصِّف كيف أشكي منك وآعاني
**
ولا يوصف جمالك في عيون العاشق لمرباك
ولا يرسم شعوري بالظما والماي ما ارواني
**
ولا يكتب من اشواقي ولا معنى الهوى واهواك
ولكن يرسم دموعي وهي تبكي على الجاني
**
ولا يدري بما يغلي بصدري يوم انا واياك
له الظاهر ولا يقدر يبين نبضي الحاني
**
ولا يقرا شعوري يوم انا اغني بشعر جاك
ولا قد خط آهاتي وعذب القول والحاني
**
يعجز الحب ياصف ما بخاطر خافق يهـواك
ولا يقدر يعبر عن خبايا النفس بلسانـي
رد مع اقتباس
