بعد ماقابلتني عاتبوها
على شوف الحبايب حاسبوها
خذوها وبعدوها غضب عني
وعن وجهة طريقي جنبوها
وشالوها عن عيوني غصيب
عواذل وغصبوني وغصبوها
خذوها من يديني شوف عيني
وعن عيني تعدوا وحجبوها
كلام وصدقو بالبنت كذبة
وهم الي من اول كذبوها
وهم وش دخلهم في مال بيي
لبوها والخلايق طالبوها
وفية ما تخون ولا تعاند
جسورة والمواعيد ارعبوها
ملاكن كاملة والكامل الله
ولكن العواذل عقربوها
وهي كل ما دعتني تشتكي لي
عن الي سالفتنا سربوها
تخاف وتلتفت مع كل كلمة
تظن ان العواذل راقبوها
تلفت من عقب ما هي جريئة
شجاعة ما تهاب وهيبوها
واهديها وانا حاير وثاير
مصيبة يا عذابن عذبوها
وهم كل ما خذوها عن طريقي
تراهم صوب قلبي قربوها
وانا ما تعبت قلبي خيانة
خيانة رتبوها وحسبوها
ولا يعجز خفوقي لا يقابل
جفا من حاربوه وحاربوها
وانا لي عزتن تفرض عليه
اخاطب با الجفا من خاطبوها
واكسر لوحتا الماضي وزيله
واخربها مثل ما خربوها
واذوقهم ندم ما صار فيها
واشربهم من الي شربوها
وادلعها واولعها بنفسي
واشرقها بعد ما غربوها
واعوضها عن الي راح كله
وعن ذيك الليالي كل ابوها
غلاها با الحشا لازال ثابت
ولو حتى بغيري حببوها
وغلاي بقلبها مر وتعدى
غلاها لامها ولا لبوها
رد مع اقتباس
