بيت صغير
فاتورة الكهرباء معلقه في باب البيت، وفيها انذار بقطع الكهرباء.
طفل ف البيت يسأل أمه : ماه ايش غدانا اليوم
الام ترد: ما اعرف موه اسوي، ماشي في الثلاجه،
الاب جالس مع ربعه في الدوام يخطط لسفره جديده.
********
الجميع على الغداء، الام والاب والابناء الصغار.
الام: اقولك ابو احمد، ترا الفاتورة مال الكهرباء جايه وفيها انذار، ترا بيقطعوها الكهرباء.
الاب: وش تبيني اسوي كله منك انتي واولادك، المكيف ما تبندوه.
الام: ود الحلال انت ما دفعت من ثلاث شهور، كله تقول ما معك،. وبعد ماشي في المطبخ شي... وانت ما تجيب شي.
الاب: موه اكذب عليك انا، ( يقوم من فوق الغداء، ويلعن الام،)
******
الاولاد والام يبكون، من حالة الاب المتنمر
الاب ينادي بقوه: وينك تعالي، خذي هذي خمسين ريال دفعي الكهرباء وخذي اغراض حال البيت، انا بسير تايلند اسبوعين.
الام: الله يهديك احنا هلكانين وانت رايح تايلند، اولادك يبغو حد يدير باله عليهم، وانت ما جالس وانا ما قادره عليهم.
الاب: اووووه بس من هالسوالف اللي ما تخلص، انا طالع
الام في ايدها المبلغ وفي عينها دمعه تقول: يارب يسر لي امري.
حالات عديده من الرجال الذين يهملون عوائلهم لاغراضهم الشخصيه ولرغباتهم واهوائهم،
ويقضون معظم اعمارهم في ملذاتهم
كل اموالهم لملذاتهم واولادهم يقتاتون على فتات الراتب