كتابات المبدع ( شيبة الباطنـــــــــــــــــــــــــة )

[اسطورة لن تتكرر]

يازين ترني عن وعودك تخليت
ما عاد ارقب فيك حب... ومزايا
انته دخلت القلب من عام واقفيت
خليك مقفي لا تعود ...الورايا
عقبك ترى يازين امرضت واشفيت
كل بسببك ...وما لقيت الدوايا
والحمد لله من مرضكم تشافيت
رحت الطبيب الهند وخبت مطايا
ليتك قبل ما تدخل القلب طليت
شفت الجروح... اللي تزيد فعنايا
شفتك معه... لكن عني تواريت
سويت نفسك... مستحي من شرايا
انا بدوي لا قلت ...مابيك صديت
وحب البدوا يازين... ما به خفايا

[اسطورة لن تتكرر]

يمكن حمد لاشافك يفك لك جال

قالت طلب ارجوك عطني من الشال
ودي اغطي برد اختي ...سقيمه
فيها مرض مزمن وبالجوف زلزال
هذي امور الحب واختي ... فهيمه
قلت استري يا بنت قولي بها اعضال
وقلطي معي وتستري تحت خيمه
وقولي بدويه لا شفتي الخلق رحال
وسكني معاهم لا تكوني ... غشيمه
يمكن حمد لا شافك يفك لك ...حال
واالغيث ينزل (م) السما بوسط غيمه
ويمكن بعد اختك يظهر بها اسعال
لا تكشفي تلك الجروح ... القديمه
عايش انا مابين راحل... ونزال
وفي الجامعه ما شفت وحده سليمه
عذرا لعدم تكملة القصيده دمتم ايها الاحبه بكل خير وسعاده محبكم شيبة الباطنه9

[اسطورة لن تتكرر]

مقتطف من قصيده

تصبح تقول الصبح يا ورد ...مشتاق
حق الندى والماي ...تحتك مجاريه
وشلون يا رود الزهر ... نقطف اوراق
واوراق عودك يا ورد ... يابسه فيه
مشلول عودك يا ورد ويابس ...الساق
ووارى الثرى العامل اللي ... كان يسقيه
صباح الخير ايها الاحبه محبكم شيبة الباطنه

[اسطورة لن تتكرر]

قالوا تهوجس 28/1/2015

قالوا تهوجس وقلت ماهيه هواجيس
هذي أمور الحب .. مع ناسن اغراب
شخصن تخرج ...مافهم بالتفلفيس
كنه على شط البحر ... مجمع اتراب
يبني قصر وكنه عمل صرح بالقيس
ما يدري انه القصر بلا عمد واطناب
غريب لكن في المحبه مثل... قيس
ابن الملوح في زمن فات ...قد شاب
قولي لشخصن ... عفسنيه تعفيس
سافر لداره واترك القلب... منصاب
لا رد (ع) الهاتف ولا عبر الفيس
جته الرساله ...ومزق الظرف وكتاب
مشكور يا راعي عيونن ... نواعيس
يلي هدبها ظل في .. الظن نصاب

[اسطورة لن تتكرر]

كذبه تقول انك على شاطي السيب 10/2/2015

كذبه تقول انك ... علىى شاطي السيب
وأنته معه... في الجمس ..قدام عيني
شفتك معه بالأمس ... لكن (م) العيب
احكي كلامن ... في تويتر... مشيني
بس احترم وعدك ... وادي المطاليب
وسافر عساه ايكون ... خبرك يجيني
كملت انا الماستر... وعاودني الشيب
يعلك تشيب ... ولا اجيك وتجيني
في غربتي ... مديت ايدي مع الطيب
بس الأصل .. شرواك يعطر بطيني
سافر يعلك بدار... يعوي بها ذيب
في ارض قفري... يا مكبل ايديني
شفتك معه قدام عيني ... ولا جيب
طاريك يا نازلن بالقاع ماتت سنيني

[اسطورة لن تتكرر]

ابياات من قصيده 13/2/2015

حب البدوا (م) الصعب ينهار
مكنون ... وموثق توثيج
اشوفك مكدر قل وش ... صار
كنك غناتي مصادق .. الضيج
شوفك .. حلوا كنك من صحار
وهقتني ... بحبك ...توهيج
قالت نعم .. من دار الاحرار
اصل وفصل ... ابغي مواثيج
كنك غريبن .. ما من .. الدار
قلت .. ابدوي اصلي تواثيج
اسعدتم مساء ايها االاحبه

[اسطورة لن تتكرر]

ادعيلك الله بدار قفرى تموتين 15/2/2015

تبغي... تقول الحب سافر ولا رد
كيفك تميز في نظرك.. المحبين
رايك تميز وانت ...ما فاهم العد
خمسه فخمسه قلت خمسه وثلاثين
غرقة بحر وتقول غرقان بالسد
السد ...في سيحن يباله شواهين
شكلك حلو بس (م) الداخل اسود
صبغك بياض وزين لونك فساتين
معدوم شكلك بس استعملي الشد
عمرك يقارب فوق خمسه وسبعين
وحتى تكون ...حليو كحل بأثمد
مكياج حطي يصير لك عمر عشرين
قفيت عنه وقلت.. محبوبك احمد
ادعيلك الله ..بدار قفرى تموتين

[اسطورة لن تتكرر]

صبااح الورد 11/2/2015

ماا خفت منك لكن الخوف فاجئني
قلة أدب ان شف خوفي .. ولا شفك
توك صغيرن بعد في صغر .. سني
تعرف منو في االحب سيدي .. مربنك؟
شخصن يعزك يعزك ولا خجل .. مني
يوزن بوزنك ذهب .. وفي حياته مسلنك
صبحكم الله باالخير والعاافيه ايهاا االأحبه االكرام

[اسطورة لن تتكرر]

صابحكم ابتسامات ايها الأحبه 21/2/2015

صدفه لقيته وقال ماني من الدار
اقلط تقول وقلت يا بنت جوزي
قالت ...علامك واقف تقل بيدار
اقلط تعال ..هناك صافح عجوزي
شوف الحفل بالجامعه ..تب تبدار
قلت الحفل ... يابنت شوط فيوزي
كل الحفل ...هتمات عجز وتندار
مابه صبايا .. غير كر كر وكوزي

صباحكم ابتسامات ايها الأحبه

[اسطورة لن تتكرر]

طويت حبك...... وسط طرباش 28/2/2015

طويت حبك يا ... وسط طرباش
و خليت نفسي صايره (م) الكباشه
الحب عندك ..سافر الدار ببلاش
حبك ضعيف ولا لقاله .. انتعاشه
حبك نسخته واشعلت فيه لفلاش
سويت به سوات النحل للفراشه
بعتك بسوق ....... قاش في قاش
بس انتبه لا تستوي ..عاد باشه
لأنك رخيصه بعتك بثوب دهداش
واهديت ثمنك يا سواد.. العفاشه
ذلفي خذاك .. الرب ماني بمبدهاش
انا بدوي عندي حموله بشاشه
لا جيتهم تلقى الكرم عندهم عاش
اجواد مافيهم ... عبيد ودفاشه