مالك في ذي العالم نظير 21/9/2014
وين الوفا وين الصداقه وين صحيان الضمير÷
وين الوعود الوافيه ذي كل واحد يستخير
وين التعابير الجميله وين نفحات العبير÷
وين الليالي لي مضت كنا سوا فيها سمير
هل راحت ايام الهنا والحب سجنه أسير÷
هل ذابت أشواق المحبه بعد ما كانت كثير
هل راح ذي حبه وغاب والبدر ذي ضاوه منير÷
خيم ظلام الحزن في قلبي ومن بعدك كسير
وتغيرت الأحوال وطعم العيش من بعده مرير÷
وأتغيرت مجرى الحياة ولامعاون او نصير
من فرقته قلبي تعب واصبحت مجهول المصير÷
وماعرفت وين اتجاهي وين بيكون المسير
عايش لوحدي في عذاب واصبحت في العالم نكير÷
قاسي مآسي وحدتي والجرح في قلبي خطير
وهذا هي احكام القدر والوقت في حكمه يدير÷
يديرمايمليه طبعه للمآسي يستخير
والأن بالله لو سمحت يامن بآلامي خبير÷
ارجع وداوي القلب لي حبك ومن بعدك ضرير
أذكر لقانا ياحبيبي اذكر الحب الشهير÷
لي عاش في قلبي وقلبك كان كامل مستدير
انت الهنا وانت المنى انت امل قلبي الكبير÷
وانت السعاده كلها مالك في ذا العالم نظير÷
شوفني لأجلك منتظر والشوق في قلبي غزير÷
أتمنى وصالك واللقا عساك ترجع لي بخير
