شف كيف صارت وشفتك في هذاك الطريق
هذا انت واللي لمسته شي واحد فرق
نضارة الوجه غابت يالنظير الرقيق
مستحوذ الياس وجهك والبقيه أرق
تضحك وانا ادري ورى هالضحك مليون ضيق
وأقول دمعك نزل وتقول هذا عرق
وين العرق والنسيم العذب حولك طليق
ونظرات عينك على البراق لامن برق
شفني بعد غيبتك واجهت مية عشيق
فيهم تشابه من اطباعك ويمكن أرق
أجدرهم انسان يخلص لي واحطه رفيق
أستلطفه واشعر انه بالحشا ما مرق
القلب بيتٍ لغيرك للأسف مايليق
مهجور مايسمع الطارق لو انه طرق
وش يعني الورد وألوانه بليا رحيق
وش يرمز البحر وامواجه لشخصٍ غرق
شاعرك يالحب الاول من تركته غريق
لاجابو الناس حرفٍ من احروفك شرق
من ما راق لى واتمناه يروق لكم