من قال نبض الشعر للشــاعر احـــــراق
خبره كيف الشعــــــر يـخـمـد لـهــيـبـــه
صْدور بعض الناس لو تــقـــدح اشــواق
لا تفتري تــــبــــري لـهـا سـهـام غــيـبــه
يادلو لو حبلك عـــــجـز يوصل اعــمـاق
كم كاتـــمٍ يـــبـخص بــغـبــــة قـلـيـبــه
الـبـارحه طــالـت قـلـم بــوحـي اعــواق
وقـالو الـوجـع يــبـرى بــنـقـع الـنـثــيـبـه
الشعر مثل الــــــنـبـت لــه جــذرٍ وسـاق
واشيب حــاله مــن تــجرى يـسـيـبـــــه
ياشعر لو تطبع عـــلــى وجـهـي اطـراق
اروف بــك روف الــحـبـيـب الـ حـبـيـبه
ولــو اهـجـرك سمي على اسـمـي الـعـاق
اللي هجر طيـــب فـ لــــحـظـة مـشـيـبـه
بك يـزهـر اللـيــمـون فــي غـصـــن دراق
وتشرق خيوط الفجر لحـظـة مــغـيــبــه
اشتاق لك واشـتـاق واشـتـاق واشـتـاق
ويدي اتـــــمــنـى تْــكـون مـنـك قـريـبـه
مـــرات اســريـــبـك ورى مـشـي بــواق
اخطف محاذي الشوك واوطى الحضيبه
لولا ما تـــمـنـعـنـي عــن الـبـوح اخـلاق
بـصيح مــــــن ضـيـع فلـيـلــك ذهـيـبـه
واعانــقـك طـفـلٍ فـقـد لـحـظـة عــنـاق
أصغر همومه مـــنـفــطــم عـن حلــيــبـه
اعـبـر معك كلــمـا الــفـكـر للـذهـن راق
ولايهمني البحر وهــــديــره وغـبـيــبـه
مثلك معـي يــسـوى مـفــاعـيـل تـرياق
لو كــانــــــت الــعـضـات من ناب ذيـبـه
أحمد المعمري فلك
رد مع اقتباس
المشاركة الأصلية كتبت بواسطة ملك الوسامه
