المـجــلـس اللـي مـا يـطـفـي سراجه
سوق القدم صوبه ولو م انت محتاج
ولو حاجتك في عزة النـفـس حاجه
لا تدغش الا مـــن لـه الـجـود ثجـاج
راعي الـدبش مـهـمـا يـّرفـع سـياجه
الجوع خلا الذيب ما يعــرف سـياج
والحـر مـا يـفـرخ ف وكـره دجـاجـه
والــفــيـل كـل الـفـايـده مــنه الـعـاج
بعض القلوب القـاسـيـه كالـزجـاجـه
وبعض القلوب اللينه ما لـهـا حــراج
والبـحر ما عـكـر هــدوه ومــــزاجه
غيـر الـريـاح اللي تهـب كـلـهـا ازعاج
ما كل مركب طامـي الــبـحـر ماجه
بعض المراكب ترهب تشق الامـواج
واللـــي يـدور مـن طـبـيـبـه عـلاجه
الطب بعض احيان ما شرطٍ عــلاج
صلــي وصـوم وحـج والـرب نـاجـه
لو تقبل همومك على القلب حجـاج
بعد العســر تأتـي عـلـيـك انـفـراجـه
تـلـقـى هـمـومك تـالــي اللـيـل دلاج
ولا تـقـطف مـن الشعر لحظة نضاجه
غير الذي تضمن يحــسبـونـه انــتـاج
و الزرع لي ينبت صـحـاري فـجـاجه
غير الذي مزروع في عـــاضد افـلاج
يعني القصيد الذرب صعب انتهاجـه
والنادره تحبس وسط جوف الادراج
اوصيك وانته ذرب ما بك سـمـاجـه
على السجيه وتكره تــحـط مـكـياج
أحمد المعمري فلك تاريخ 4/5/2020س6:9م