المشاركة الأصلية كتبت بواسطة نقطة .
صباح الخيرات ..
عزيزي الرشاقه اناقه .. مطلوبه اللياقه ...
والرياضين بشكل خاص يتعبون كثير لمن يتوقفون عن الروتين الرياضي ..
تصور انك تروح الصاله كل يوم وفجأه تنغلق كل الصالات .. وربي ازمه ..!
فالحل المشي والركض
استانس لمن اشوف ثقافة الرياضه منتشره في مجتمعي الحلو ..
واشجع الصغير قبل الكبير انه على الاقل يمشي 30 دقيقه ويركض 20 .. ولو ان الجو احين صعب بس ما يخالف
اهم شي اللياقه مثل ما ذكرت
وترى انا اتكلم من مبدآ للى انت تتحدث منه وهو
ولا تلقوا بايديكم إلى التهلكة
و اسمح لي ان احدثك بخلفية طبيه ..
التهلكه هي انك تقعد بالبيت وتأكل وما تتحرك .. هذي هي التهلكه الاصليه !
المخاطر لا تعد ولا تحصى .. مدرك انت الخطر .! الجسم مش مهيء علشان يقعد بالبيت ..!
انما علشان يتحرك ذات اليمين وذات الشمال .. وعاد خذها الحين .. حجر منزلي ورمضان وقعده ..
واستلم الامراض ! للى بيعانون من السمنه وللى ضغط والخ الخ ..
عزيزي المشي ضروري حقآ ومؤسف جدا نخلط هذي العاده السليمه وننهي الناس عنها بحجة الدين ! ما الدين قال لبدنك حق .. وين حق بدنك يوم تحرمه من شيء اساسي وضروري؟
والناس لما تروح تمشي ترى تحط مسافه
ناهيك عن ان المشي يقوي المناعه كثير كثير ..
اوك يمكن التجمعات غلط ما نختلف
بس بليز المشي ضروري .. والناس عندها وعي كافي انها تحط مسافة امنه بينها وين للى يمشون ..
لذلك رجائي لا تجعلوا الدين هكذا !
عمرها الرياضه ما كانت استهتار ..