اليوم أعلن تضامني الشديد مع كل شخص وجد نفسه في يوم من الايام حزين ومستاء
من نفسه..
من مجتمعه..
من الغموض للى يحاصره ..
من المشاعر المبهمه الفجائيه..
لكل شخص فقد بوصلته وحس انه مافي اي فائدة تذكر من الاشياء للى يعملها ..
لأنه بالمختصر الشديد فاقد .. فاقد احساس البهجه .. واصعب شئ يقدر يحس بيه الدهشه ..
وكل محاولة منه لمعرفة السبب .. تخليه يغرق اكثر في تفاصيل مالها اول ولا تالي ..
لأن بكل اختصار هو صعب الفهم .. حتي اقرب الناس له مجرد (خدعه)
لأنه بكل بساطة يعيد تمثيل دور حافظنه علشان يمشي حاله .. وحاله يمشي ..
لا بأس ..
يمكن في نهايه لهذي الحلقه
يمكن مافيه ..
في كل الحالات الحياه مستمره ..
والتأقلم هو الحل الحصري .. التكيف كذلك .. الخضوع ربما بعد حل زين
ما تمنيت في حياتي اوصل لهذي المرحله من الفضاوه واكتب في مدونه افكاري العابره ..
لكن صدق
احس بالغربه والوحشه لأيام اول .. ايام الـ(هلا) المزخرفه ..وصباح الخير بخلفيه عصفور
الماسنجر .. ايام الجنون ..التوقعات الكبيرة..
الدهشه من ابسط الاشياء .. مادري ليش اتذكر هذيك الرسالة للي تجي بالـ hotmail انشرها وبتلقي خبر حلو !!
ههه ودي انشرها الان .. لعمان لكبرها .. يمكن لأني اشتقت للأخبار الحلوه من يعرف؟ ..
فعلا( كان الانسان اكثر شئ جدلا) ..
احيانا نتمنى كثير اشياء ولما نحصل عليها نكتشف ان روعتها كانت في مشوار تمنيها وليس حصولها ..
لكن بعد ايش؟ .. بعد ما فوتنا البارت الجميل ..
الموضوع عميق وابعاده واسعه ..
لكن لكن
اتسائل بعدم مبالاه انا .. شو الهدف من الكتابه هنا ؟ ..
هل هي مقبره للأفكار العابره هذي ؟ ام فضاوه او قلة شغل .. ام محاولة لمشاركه شئ غامض بخاطري..
كل شئ جايز .. كل شئ وارد .. رغم ان هذا مش هدفي الان ابدا ..
اليوم انسألت مره ثانيه وش ابا اصير لما اكبر .. من مخلوق صغير جدا
يمكن هذا السبب الوجيه اللى خلاني اريد اكتب الان ..
اظن ان افضل شيء الواحد يعمله انه يكتب .
ما لأن شيء بس علشان يتذكر حماقاته و لفل غبائه كيف يتطور ..
يعني امانه ليش ما نتفق ولو مره ان كلنا فينا نسبة معينه من الغباء والله ؟ .. حتي لو اتفق العرب ان لا يتفقوا ..
هذي مافيها اتفاق كثر مافيها جزم مطلق.. واجد ادلة تدل على صحة هذا الكلام .. اعني حقيقي معقول ما مر تو كم موقف في بالنا اثبت هذا الحكي ولو انه حكي نوعا ما ما يودي ولا يجيب..
فيه كثير حكاويات لا تودي ولا تجيب .. وهذي الحكاويات هي مجرد قصص بعنوان (ايامنا) .. الايام هذي ما تمزح .. جالسه تأدي اسوأ اداء تاريخي .. تثبت لنا وش كثر نحن جاهلين وما ندرك ابعاد واجد مواضيع
في لحظه تخلينا نجامل .. واللحظه الثانيه ندفع الثمن وهكذا يعني ..
شخصيآ بما انها مدونه سيئه الحظ بفكر اني ادون سواد الوجه هنا ..
لربما يوم من الايام احد يهدتي وما يعمل هالاخطأ او يبدع اكثر وما يكررها
لكن لأن الكسل صفه سائده فيي بأجل الموضوع كالعاده واكتب في وقت اخر .. مش لشيء لكني احسني ارهق اصابعي كثير هذي الفتره
ولأني ماعرف اذا حقيقي هالشيء للي مستوي او لا ههه
قررت اترك التدخين اليوم واخيرآ يعني ..
رغم اني مو مدمنه لدرجة كبيرة ولكن كان القرار بسبب التبعات الصحيه وهيك
ما انصح اي حد يدخل هالعالم الحلو , واكثر شئ يكسر خاطري لما اشوف مراهقين يدخلون هذا العالم من اوسع ابوابه من دون فكره عنه
انا شخصيآ قبل لا ادخل هالعالم تثقفت كويس اوي عنه وعن كل حاجه تجي من بعده ومن ثم ما ادمنت .. ورغم هذا التسليح الثقافي المعرفي واجهت صعوبات وتحديات مجتمعيه \ نفسيه
لكن اجتزتها . .
وبما انها مدونه فاشله من دون هدف .. كان لا بد لي اني افضفض هون شوية عن سواد الويه
تركت كثير امور .. مش بس التدخين حتي الوظيفه وقصص ما قبل النوم .. لكن شو استفدت ..
واللهي ما استفدت شي .. فقط يعني تطوير تراجعي هذا ..
لذلك قررت من هذا المبنر .. او من هذا المبدأ بمعنى اخر اني اعلم اي حد ناجح كيف يكون فاشل
ويتخلى عن احلامه ..
اي احد يحس نفسه يبي يكون فاشل ويتمني يكون كذا ضايق يكلمني .. وربي عندي طرق و افكار لا تخطر على البال وتطبيقها سهل والنتائج بالحال ..