يا ذيب مالك في حروفك معاتيب
روح مع الأيام عهد الشجاعة
يوم المعاني تنكتب فيك والطيب
واليوم صار الوقت يشكي مجاعه
روح زمان آل الوفا والمذاريب
واليوم ذكرك ما يحبوا سماعة
يا ذيب لايثنيك شحيح المشاريب
ما صار واحدهم يعين الجماعة
جفت مع الأيام سحب ٍ مساكيب
والفقر صار اليوم مال وبضاعة
نجمع من الإحسان دين ومطاليب
دام الكذب هاليوم يلبس قناعه
يا ذيب جف الدمع ينعي محاريب
والدين صار اليوم ننعي وداعة
إلا رجال ٍ شيدوها المواجيب
في مجلس ٍ ما روجو للأشاعه
مَّا يذكروا عن ناس كثر العذاريب
وما يملكوا فـ الناس غير القناعة
يا ذيب كف الدمع داري المخاليب
ما ينفعك هاليوم وجه السباعه
البس ثياب ٍ من ثياب الرعابيب
تكسب محبة في قلوب الرباعه
لا جيتهم نادوك زادوا تراحيب
يا مرحبا في كل وقت ٍ وساعه
هذه حقيقة من صحاب التجاريب
أهديتها للي يحوزو الرفاعه
يا ذيب داري الجرح كثر المعاتيب
ما عادت الكثرة تهزم الشجاعة
رد مع اقتباس
المشاركة الأصلية كتبت بواسطة ابوقيس99
