-
عضو جديد
قصيدة: الشاب المبتسم ( رثاء )
السلام عليكم ورحمة الله وبركاته
دعواتكم بالمغفرة والرحمة لأبن عمي الشاب المبتسم
مرثية الشاعر/ حمد بن فهد المخالده السبيعي في الراحل إلى جوار ربه ابن العم/ الشاب: عبد العزيز بن عائش بن علي المخالده السبيعي . رحمه الله واسكنه جنة الفردوس الأعلى. في ليلة الإثنين وتم الدفن في يوم الإثنين بعد صلاة العصر : ٢٠/ ٠٦/ ١٤٤٣هجري ــ ٠١/٢٤/ ٢٠٢٢م
. <{ الشاب المبتسم }>
مالومك عايش تبكي على السن الضحوك
ولدك عبد العزيز رحل عنا رحلة طويلة
الله يرحمك ياللي ضاق عليك صدر أبوك
وصدر الحنونه وجميع الأهل مع القبيلة
ومالوم ربع بالأمس كانوا معك يمازحوك
ضاقت صدورهم ومن دمعه وصل شليله
كتب عليك توادعنا و مفارقة من يحبوك
اشهد إن الموت كتب ولا في اليد حيلة
ياالغالي بكاك المكان واللي فيه يناظروك
عز الله إن الفرقا عالنفس صعبة وثقيله
آه كني أشوفك تضحك قدامي مع اخوك
عبدالمجيد بمجلس يستانس بمن يجيله
مجلسكم العامر بالكرم يبكي مثل ابوك
وإنا بمكة بكيتك يا شاب ما ضيع دليله
مثلك ترعرع على الطيب وسنن ضحوك
صافي القلب بلسم يكره الحقد ما يشيله
تغشاك الرحمة وبجنة الفردوس يحطوك
رحمة الله واسعة وماخاب من كان نزيله
وصلوا على سيد الخلق الملك و المملوك
وبالصلاة على محمد تشفى نفوس عليله
الشاعر/ حمد بن فهد المخالده السبيعي
-
رد مع اقتباس
