<< قلم عز العرب بين الماضي والحاضر>> ارشيف

[عز العرب]

وش دنيتك ياللي سعيت بمضره
للناس وانته ساكن(ن) بين للاطياب

تخلق مصايب للبشر مستمره
وشرك على كل المخاليق ينساب

كنك صويب(ن) زاد بالشر شره
وأصبحت مثل ابليس في كل الأبواب

عزالله انك شايل(ن) بيد جمره
تخشى يقولوا ابليس من فعلته تاب

كنك رفيق(ن) له ودايم تمره
واليوم ظن ابليس فيك ما خاب

اسمع كلامي واحفظه الف مره
واصبر على مره ولو كنت منصاب

الصدق نعمه ويهتني منه قره
ما خاب راجي له وللخير طلاب




وســــــــــــــــــلامتكم


13/ 2 / 2016

[عز العرب]

الليل ساري وانا ياصاحبي ساري
عايف ديار(ن) بها النيات ملعونه

اخايل نجوم ليلي واعزف اوتاري
والقلب همه مع احساسه يسلونه

ضيق على الحزن وبعلتي داري
كل البشر ... والهنا من وين يشرونه

ابشري مايفرح قلبي الضاري
على المآسي عسى الله كان في عونه

رجعت ولهان ما غيره هواء داري
يشفي العليل الذي زادت به طعونه

كالطير مهما غدا فالجو طياري
رحال ... لابد ما يشتاق لركونه

وان ضاق بي الوقت منسى رحمة الباري
هو عالم(ن) بالخفا والسر في كونه

هذا القصيد الذي تسبقه لعذاري
م خطيت في سرده ولا خفيت مضمونه


وســـــــــــــــــــــــــلامتكم

11/1/2012

[عز العرب]

الحب عشته والسبب بس نظره
اهيم فيها وانجرح لا تذكرت

كرهت ذاك اليوم ولا عاد ذكره
اقولها ياقلب ليتك تصبّرت

عيشتني في حب ياقصر عمره
واشغلت تفكيري وبحساسك تحيّرت

اشد رجلي صوب بيتك ومرّه
من دون (م)شعر وادري اني تدهورت

اسرفت في حبك واخفيت سره
لو كان تبغي الروح لله كبّرت

ضيعتني ما بين امسك وبكره
والعيش من دونك حشى ما تصورت

جازيتني بالصد بعد المسره
وياليتني من حال غير تعبّرت

هذا قصيدي وليته للناس عبره
ويا كم على فرحي وسنيني تحسرت


وســـــــــــلامتكم

10/ 2 / 2017

[عز العرب]

الكلمة اللي صاحبتني من سنين
فاضت ونفسي وصلها من سببها

كلمة احبك شلتها لك مع اللين
والدرب مهما طال يلوي عقدها

تسري مع الانفاس مسرى الشرايين
وبين الضلوع العوج يصلي وقدها

يالله يا عالم بقلوب المحبين
خفف على عبدك .. روحه فقدها

يارب مخلوقك خلقته من الطين
تدري بعلة حالته وش سعدها

دام الخلايق عني ماهم بدارين
تشفي عليل(ن) بالمحبه رخصها

ودام النفوس بأجلها نعمة الدين
في نعمة الإسلام عشنا رغدها

يالله ياللي له كفوف المصلين
يامنشي بروق المزون ورعدها


ياكاشف المحنه ويا جلي البين
عندك شقى نفسي وعندك خبرها




وســـــــــــــــــــــلامتكم

11 / 6 / 2013

[عز العرب]

اسعد الله صباح الجميع

[عز العرب]

كل التحايا لمن مر من هناااااااااااااااااااااااااااا

[عز العرب]

دائما نرقى برقيكم ايها الاحبه

[عز العرب]

نقووووول للراقين اهلا وسهلا
والمدونة مدونتكم

[عز العرب]

البارحه ناديت بالحلم خلي
باحساس قلب(ن) هزه الشوق بوصال

حسيت باحساسه وانا في محلي
وحسيت باحساسي شرح خافي الحال

من فرحتي باحساس خلي أهلي
ومن فرحته باحساسي الدمع همال

روعة جنون الحب ساعة وصلّي
وضمني باحساس بنت(ن) لرجال

قامت دموعي فوق خدي تهلي
وصارت دموعه من عنا الشوق شلال

تسارعت دقات قلبي وانا اللي
متبعثر(ن) فيني غلا شوق واهمال

هذا هو إحساس(ن) يربعي حصلي
وشلون لو كان اللقا صدق ينطال

واخر كلامي كل شخص(ن) يصلي
على النبي يشفع لنا يوم الاهوال

وســــــــــــــــــــلامتكم
2 / 3 / 2010

[عز العرب]

اشتاق لك يا وجودي يا دفى عيني
يا برق مزني ورعودي وانتباهاتي

ان قلت ناسي تغيرني عناويني
وان قلت ذاكر تاعدني مسافاتي

في هاجسي كل اهاتي تناديني
وفي خاطري كلمة نامت بحسراتي

حلم الاماني تحول والهوى فيني
مجروح .. مشتاق وتحده متاهاتي

مع كل فجر(ن) اغني وين تلحيني؟
ومع كل نسمة مساء اشهق بعبراتي

ما مات قلبي ولا حنّت شرايني
وما صار يرضي غروري غير سجاتي

أخاف لا ينكتم صوتي ويكويني
واخاف صوتك يموت بكذب راحاتي

انا نهار(ن) تخلى عن بساتيني
وانا غروب(ن) يشمسه ترحل اوقاتي

الليل ساكن هدب عيني ويدميني
يهطل على دفتري وحروف كلماتي

ولو ما القلم يشفي جروحي ويحييني
كان القصيد تلاشى من مساحاتي


وســـــــــــــلامتكم