أكتسي من ثوب غدرك مسافات
وأرتشف من ريق همك بلية
وأنتزع من جلْد جسمي عبارات
همّ(ن) وغم(ن) وحزن(ن) أو منيّة
كلها من تحت هذي الصّفات
ودود(ن) وطيّب ونفسه هالرّضيّة
لو كنت في الدّنيا عكس هذي الصّفات
مرْ بي يومي ولا شفت الأذيّة
هكذا الدُّنيا تعلّمنا وتبات
تعبس فـ وجهك وتبْسم للرديّة
ليه يا دنيا هملتينا حفاة ؟؟
نمشي فـ برّك وكل حِمْلك عليّه
وليه في جَمْعك تركتينا فُتات ؟؟
كُل غُربان الألم تاكل سويّه
بسْ يادنيا قلبي المهموم يكتب لك وصيّة
لو تدوسي ع الأمل دوس المئات
تبقى لي خيوط الأمل تبْرزْ شويّة
مادام لي ربّ(ن) مَلكْ هذي الصفات
دايم وقيّوم(ن) ومعطي البرية
ليه أنا يائس وقالبها سبات ؟؟!
الأمل موجود والباقي عليه
رد مع اقتباس
المشاركة الأصلية كتبت بواسطة داناااا
