الحمد لله جامع الناس لناس
وانا اجتمعت بطيب اهل الضيافه
لي رحبوا فيني برقه واحساس
ما حملوا هالقلب اية كلافه
في بيت جمعنا على كل الاجناس
مستوطنين الشعر نبحر ضفافه
يا مرحبا ترحيب والشعر نوماس
من يجهله ويروح عنه حسافه
يا هل الشعر يا كاتبينه بقرطاس
فوحوا الحروف احساس بلوا جفافه
ما تمطر الاشعار بالدرب الماس
تمطر شعور وقلب بالنبض لافه
ولي يبا يقرا حروفي فلا باس
ماني وصلت الشعر كامل وصافه
اكتب واتعلم مثل ناس ن وناس
ولي نقد شعري يسجل اضافه
ماني ضبطت الشعر عداد وقياس
قلبي ليا فجر شعوره اخافه
ما غير شريانه قلم يتبع احساس
والروح صفحه صاغها من شفافه
ناصر الراشدي
رد مع اقتباس
المشاركة الأصلية كتبت بواسطة داناااا
