يا سيدات و انسات و عانسات
مدينتي من اللي تبي تحتلها
تسابقوا سبق المهار الصافنات
اللي تطاير في الهبوب قذلها
يغريكم الشاعر وتنسون الصفات
واكثر شواعير الخليج إسفلها
من لا عشقني ذات يفقدني سمات
عن كثرة احبابي كفاني قلها
تسابقوا والأولات الخاسرات
ماعاد اقبلها وش لون اقبل لها
ماعاد في قلبي مكان الذكريات
وماعاد في عيوني دموع اهلها
انا بقايا رجل مع كوم احزيات
تتله احبال الحزن ويتلها
استهلكتني ام العيون الذابلات
اللي ماتعرف دقها من جلها
اخرى ولكن غير كل الاخريات
تعطش نباتات الطريق لطلها
ان اقبلت كأنها تثنا من حصات
وان ادبرت كأن السحاب تشلها
الفاتنات الساحرات الغانيات
عندي ماتسوى خصله من خصلها
فالليل صبح والا اصبحت عقب المبات
توخر الشمس وتجي محلها
ياشيب عيني يالوصوف الخافيات
بقولها لو قومها تفطن لها
احبها حب الابن آدم للحياة
وتسيء لي وابرها واحسن لها
انا غريب ومجرياتي مجريات
ابيها وأدعي ربي يسهل لها
أحب نفسي كل ماشفت الطغاة
تستخدم العالم وتستغلها
يالصبر والانفس شحاح ومكرمات
تدلها والا انا اللي ادلها
خذني من يديني بلا مقدمات
انا صديق اقسى الدروب وخلها
انا جهه بلحالها غير الجهات
تكسرني الدنيا وانا اعدل لها
أنا أكثر انسان يخلق مبررات
ياكم علاقه تنطوي وافلها
حليت فال انسان واجد معضلات
اللؤم حاجه ماعرفت احلها
بصادق الحيوان وأمشي في النبات
ولا بشر تنذل للي يذلها
الناس في عصر الاسف والانفلات
ماعاد به زله ماهي بتزلها
ماعاد تفرق في الحقوق وفي الهبات
تعمل معاها تحسبك تعمل لها
الشارع المليان غش ومعطيات
ان ماتسامى بالقلوب يعلها
ملغي الرماد من ظروف الكائنات
ماعنده الا اسواء لها وافضل لها
يالثاير اللي منجياتك مهلكات
مابه سيوف اصلا عشان تسلها
مدام صار البحر قسمه واعطيات
أغرف بيدك مايعادل بلها
مابه ثبات الا عن انقاض الشتات
والاحلام لذتها قبل توصل لها
واجمل من الاحساس من بعد الصلاة
احساسك اللي قال قبله صلها
صداقتك مع شعورك عز ذات
ومخاصمك مع الرخوم يجلها
يامنقض جروح الخفوق المرمسات
راحت حياتك قلها في قلها
جعلك فداء اللي عاش ربح ويوم مات
خسارته على القبيله كلها
والا انت لو تركب مع باص البنات
مادور(ن) اعبيها واشيلها
عن الكلام الشين يازين السكات
ناس ماتوصل مستواها خلها
تعلم ان الله خلقنا طبقات
والناس تعلو لاتناقص غلها
فاليا جلست في مجلسك مع الخوات
خل الرجال اللي يظلل ظلها
خلوا سوالفكم عن اخر الاغنيات
وهذا بغى هذي وهذي ملها
المجد لو انه يجي بالامنيات
سادوا على اعزاز الرجال اذلها
رد مع اقتباس
المشاركة الأصلية كتبت بواسطة حبي خالص
