لامتى يا ضيقة الصدر ماتستأذنين~
لامـتـى ياضيـقـة الـصـدر ماتستأذنـيـن☆ والله أن ماعاد لك من ورى صدري لـزوم
تاكليـن الحـال ماسلـم منـه شـبـر لـيـنان ☆ فرى قلب ونفـذ صبـر وانهـارت عـزوم
فعلـك بقلبـي كـذا كـن لـك وراي ديــن☆ والله انه شـي فـي قـوم ماتفعلـه قـوم
والحزن ينشـاف مايستـره وجـه الحزيـن☆ كيف يستر والتعـب واضـح بـه والهمـوم
على كل اللي جرى مومن وعنـدي يقيـن ☆ كـل كربـه تنـفـرج والسـعـاده مـاتـدوم
لكـن اللـي حدنـي ليـن بيـحـت الكنـيـن ☆قلـب مايرتـاح وعـيـون ماتهـنـى بـنـوم
مانـي بقايـل سوايـاك ياغـبـر السنـيـن ☆غير أقول انهـا سوايـا العوايـد والسلـوم
واوجودي وجد مـن طيـره اخلتـه اليديـن☆ اشقرٍ من فعـل مخلبـه يـدرى ومحشـوم
خوتـه لـه خـوة اسنيـن ماهيـب شهريـن ☆ خـوةٍٍ ماهيـب تهـدى ولا تعـرض لـسـوم
صـاح لـه والدمعـه بعيـن ويخيلـه بعيـن☆ واسبره لين انتحى الشوف واخفته الغيوم
موتره من فجر فـي كـل مشـرافٍ يبيـن ☆ ويتنهـت كـل ماشـاف لـه طـيـرٍ يـحـوم
لاذكرتـك ياجفـولٍ خـذت مـن كـل زيــن☆ قلت جعـل الحـظ لاطـاح يبطـي مايقـوم
وان طرت لي ليلة العيـد ومـن العايديـن☆ قلت يالله جعل ماني من الصبـر محـروم
والله اني مـادري مـن غـلاك اروح ويـن☆ وانت حتى من عيـون الغـلا ماغبـت يـوم
من غدى في جرهد البيد مـات بساعتيـن☆ كان ماهو من ضما مات من لفح السمـوم
اشعـر بضيقـة تنفـس ومحتـاج اكسجيـن☆ كلبوهـا مـن سوايـا العـوايـد والسـلـوم
رد مع اقتباس
"
