مائدة حواء

[ضحية غرامك]

هاي الكيكه بسميها

[كيكة رووح الورد بصوص التوفي والنوتيلا]

عشاني كذا خبصتها من خيالي وطلعت خطيررره طعمها مررره حلووو...

•••••••••••••••



••••••••••••

المقادير:
●2 بيض
●ملعقة طعام فانيليا
●ربع كوب زيت
●ربع كوب سمسم
●ربع كوب جوز الهند
●ربع كوب مكسرات
●ربع كوب طحين
●علبة حليب سائل [ابو قوس]او المتوفر
●2 ملعقة صغيرة باكنغ باودر
●كوب ونصف سكر
●ربع كوب سميد
●علبة زبادي

تخلطون المكونات السائله فالبدايه وتضيفون المكونات الجافه عليها وبصينية الفرن من تحت ثم فوق لغاية ماتستوي تطلعونها وتتركونها تبرد...

•••••••••••••

♧مقادير الصوص♧
●كوب سكر
●علبة قشطه
●ملعقة طعام زبدة
●2 ملعقة طعام نوتيلا

●فالبدايه تذوبون السكر ع نار هادئة وتضيفون عليها علبة القشطه وتخلطونها بإستمرار لغاية مايصير قوامها متجانس وبدون تكتلات سكر واخر شي تضيفون عليه الزبدة والنوتيلا واسكبووهم ع الكيك وزينوها بكيفكم...

••••••••••••••




و عواااااافي...

ماشاءالله ابداااع... تسلم الايدي

[رووح الورد]

جميل شكلها ما شاء الله
تسلم يديك..

••رووز••
يسلموووا خيتو من ذووقك...
جربيهااا طعمها لذاااذه...

[رووح الورد]

ماشاءالله ابداااع... تسلم الايدي

••سحابه عشق••
تسلمي خيتوو ..
يسلمك ربي من العناااء...

[مائة بيسة]

طريقة عمل الشكن كاري /دجاج كاري يمي يمي




المقادير :

• صدر دجاج مقطع الى مكعبات
• بصل مقطع شرائح
• بطاطا مقطعة مكعبات
• فص ثوم مقطع
• علبة حليب جوز الهند
• بهار الكاري
• زيت زيتون
• ملح
• طريقة التحضير:

نجيب زيت الزيتون مع بهار الكاري نخلطه مع حليب جوز الهندي ونخليهم ع النار تكون نار هادئه اوكيك
ومن الصوب الثاني نقلي البصل والثوم
بعدها يضاف الدجاج المقطع ويقلب حتى يصير لونه يعني أبيض بعدها نضيف حليب جوز الهند والكاري والزيت الزيتون حق الدجاج والبطاطا

وبخصوص مسحوق الكاري انا اخذخ من من الفير او مركز الجملة هع هالشكل









بصفة عامة هالماركة حلوة عندهم وايد بهارات اشكال وانواع

وحتى هالماركة احبها





اشك فيني اصول هندية خخخخخ

[بدر الدجى]

تسلم ايدج مائة .... وصفة ولا اروع
يمـــــــــــــــــــي

[مائة بيسة]

بنات اشدعوه ماتدشون المطبخ غير برمضان نبي حركات جديده

[حلم يرتجي التحقق]

ما شاء الله تسلم الايادي الماهرة ...

[حلم يرتجي التحقق]

بنات اشدعوه ماتدشون المطبخ غير برمضان نبي حركات جديده

انا سويت وجبه افطار مميزة للعايلة
يعني ما برمضان اللحين فطور الصباح اقصد

اولا حبيت انوع فالاطباق

سويت كاستر ومن جهزت حطيتها بالثلاجة ( وجهز الطبق الاول )

بعدين سويت ساندويتشات
الخلطة الي داخل الساندويتش هي :

دجاج مطبوخ مفتت+ جزر مبشور ومحمص + وملعقة مايونيز + ملعقة جبن سائل
تحطي الخلطة داخل اي نوع خبز وتحطيها 10 دقائق بالفرن ( وجهز الطبق الثاني )

اخر شي سويت اورنج جوس طازج

وبالهنا والشفا

هع هع

[روانـــــووو]

طريقة عمل حلى السنافر




حلى السنافر هذا الحلى ايضا سهل وسريع ويتكون من القشطة والبسكويت والكراميل ويشبه غيره من انواع الحلى ويمكن تحضيره في اي وقت تحبين حتى في الاوقات الضيقة وطريقته سهلة
مقادير حلى السنافر:

علبة قشطة
علبة كريمة دريم ويب صغير
5 باكيت بسكويت الشاي السادة
علبة كريم كراميل
فنجان صغير ماء بارد
شوكولاته للتزيين
حليب
طريقة تحضير حلى سنافر:

نضع في الخلاط ظرف الكريمة والماء والقشطة ونخلط جيدا
نأخذ قسم من الخليط ونضيف له الكريم كراميل
نضع طبقة كريمة عادية في طبق التقديم ثم نسخن الحليب ونغمس فيه البسكويت ونصف طبقة بسكويت فوق الكريمة
نضع فوق البسكويت طبقة الكريمة المختلطة مع الكراميل
ثم طبقة بسكويت اخرى ثم الكريمة العادية
نزين الوجه بقطع الفواكه والشوكولاته السائلة او بالشوكولاته البودرة او اي نوع حسب الرغبة وبعض المكسرات
توضع في البراد لتجمد ثم تقدم