$غلـآآ روحي من غلـآآهـآ ؛ ريم الغـلـآآ عيوني فدآآهـآآ $رواية إماراتية
$غلـآآ روحي من غلـآآهـآ ؛ ريم الغـلـآآ عيوني فدآآهـآآ $رواية إماراتية
][.. غلـآآ روحي من غلـآآهـآ ؛ ريم الغـلـآآ عيوني فدآآهـآآ ..][ ~> للكـآتبـهـ شذآ الورود ..ْ~!
تحكـي قصة بنتيـن عـآشن في ظلمـ أبوهـن بعد وفـآة أمهن " طيبـة " ، وكـآنت أعمآرهن مب فوق الـ 10 سنوآت
و الوآلدة توفـت في حآدث سيـآرة ، لكن خلآآل حيـآة أمهن تزوج أبوهـن من سميرة و يـآبت له ولدين و بنتين
وعـآشن حيـآآة صعبـة وآآيــد ، لكن هل بتوصل البطلـة للنهـآيــه السعيــدة ..؟!
تـآبعـــونـآآ ..
\
/
\
بطلة القصـة ×.× ريــــم ×.×
بنت حلـوه وآآيــد ، طيبة ، حنـونـه ، ما تحب تضـآيق أحـد ، وما تتدخل في خصوصيات غيرهـآ ، تعيش في ظلـم و قسـوة حرمـة أبوها ، لأن أمها ماتت في حـآدث سيـآره ، أما هيه فتقـآبل الأسـآءة بالأحسـآن ، حرمة أبوها مشغلتنها خدامه عندها وعنـد عيالها ، وهيه عندهـآ أخت وحيده من أمها اسمهـآ بدور ..
ريم عمرها 16 صف ثـآني ثـآنوي
بو حمــد : [ بو ريم ] أب طيب بس لعيـآله من حرمتـه الثانيه ، وهوه مـآ يحب عيالها من حرمتــه الأولى ...
بدور : أحت ريم الوحيـده ، عمرها 15 سنـة صف أول ثـآنوي ، وهيه طيبـة ، وتحب أختها وآآيــد ، و تشبهها
وآآيــد نسخه منها ، ويحبـون بعض وآآيــد ، ومشغلتنها حرمـة أبوها خدآمه عندها ولعيـآلها
أ
م حمد : [ سميرة ] هيه حرمـة أبو ريم وبدور ، عصبية ، شريره ، ما تحبهم أبداً ، وتضربهن دايمـاً ، ومشغلتنهن خدآآمـآآت ، ما في قلبها رحمـه ، عمرها في الأربعين
وعيـآلها : حمـد الكبير [ طيب وآيد ] يشتغل ، أنــوآر [ مثل صفـآت أمها ] صف ثـآني ثانوي ، أبرآر [ مثل صفـآت أمها ] صف ثـآني اعدادي ، وآخر شي علي صغير عمره 3 سنين ...
والبـآقي بتعرفونهم مع القصـة ..
نبدآ بسم الله على خير الجزء الأول :::
السـآعه 4 ونـص الفيـر ، قـآمن ريم و بـدور يصلن صـلاة الفير ، وبعدين يبـآشرن شغلهن في البيت ، تنظيف ، ترتيب ، تكنيس ، طبخ الفطـور > عملهن المعتـآد
سـآرت ريم تكنس الصـآله اللي كانت كلها عشـآ أمس من المطعم وريحته معفنـه ، أما بدور فسـآرت تغسل حمـآم الصالة والميلس ، وبعدين سـآرت ريم تغسل الملابس، وبعد ما خلصـن كل هـذآ رآحن يطبخـن الفطور ...
في المطبـخ ::
ريم : بدور فديتج هـآتي التوسـت والقيمر من الثلاجه
بدور : إن شـآء الله حبيبتي
ريم : بدروه حبيبتي درستي الامتحـآن ؟
بدور : تقدرين تقولين شوي ، لأنه عمتي أم حمـد خلتني أقعـد عند علاوي وهيه طلعت
ريم : إن شـآء الله تسوين زين في الامتحـآن ، الله يوفقج
بدور : ويـآج إن شـآء الله
ريم : أمبيـه السـآعه صارت ست ونـص و مـآ قاموا ، أنا بسير أقومهم
بدور : وأنا بحـط الفطور على الطـآوله
سـآرت ريم غرفـة حمد تدق البـآب ، بس محد يفتح ، فاضطرت تدخل عليه
ريم بأدب : حمــد ، حمــد قوم السـآعه 6 ونص
حمد حـس بهمسـآت ريم وقـآآم
حمد يستند على الوسـآده : صبـآح الخير ريــم
ريم : صبـآح النور ، يـلا قوم على شـآن ما تتأخر على الشغل
حمد : إن شـآء الله
وبعـدين سـآرت غرفـة البنات ‘ أنـوآر ، أبــرآر ‘
ريم بهدوء : أنــوآر ، قـومي على شـآن ما تتأخرين على المدرسه
أنوار بعصبيه : فكينـآ إنتي ، ذلفي عن ويهي ، بعدين بقـوم
ريم : أبـرآر ، حبيبتي قومي
أبرآر : أنا الحشره ما حبها ، سيري لا اييج كف على ويهج
ريم : بس بتتأخرون عن المدرســه
أنوآر : وإنتي شو لج ؟ سيري سيـري
ريم : بس عمتي بتنـآزعني
أبرآر دزت ريم برع ، وسكرت البـآب
ريم فخاطرها : الله يهديكن إن شـآء الله
وسـآرت تدق البـآب على غرفة أبوها وحرمتـه
ريم : يبـه ، عمتي ، قوموا ألحين الصبــح
سميره بعصبيه : انزين انزين بتكسرين البـآب ، وبتقومين علاوي من النـوم
ريم : آسفـه عمتي
وسـآرت ريم تسـآعد أختها بدور في تجهيز الفطــور و حطنه فـوق الطـآوله وكان :
فطـآير زعتر وجبن ، تـوست ، مربـى ، قيمر بالعسل ، زيتــون ، وجيك عصير برتقال
بدور : قومتي أنـوار وأبرار من النـوم
ريم : ما رضوا يقومون وطردوني
بدور : بس عمتي بتنـآزع
ريم : ما عرف شو أسوي
و لمـآ يت سميـره و شـآفت الفطور
سميرة : شو هالفطور ؟ نحـن فقـرآء ؟
ريم : حاشاكم عمتي بس ما شي أكل في المطبخ
سميرة : يوم مـآشي ليش ما قلتن لي على شـآن أشتري من السوبر ماركت
بدور : آسفة عمتي ، المره اليـآيه ان شـآء الله
سميرة : وين البنـآت ؟
ريم : عمتي سرت أقومهن لكن ما رضن
سميرة : تعالي معاي ، بسير أشوفهن
ولمـآ سـآرت ريم مع سميره ، دخلن على البنـآت وسميرة قومت بناتها
سميرة : ليش ما قمتن من النـوم ؟
أبرآر : يمـه محد يـآ يقومنا
سميرة بعصبيه : ليش ما قومتي البنـآت ؟
ريم : عمتي قومتهن
أنوار : يمه هذي تتبلى علينا أصلاً ، تريد إنج تعصبين علينا
سميرة تمسك ريم من شعرها : سمعي إنتي مسودة الويه ، أنا بناتي ما يجذبون ، وإن مره ثـآنيه تبليتي عليهن ما تلوميني الا نفسج
دخل حمـد ، وشاف أمه تعذب ريم ، مسكها
حمد : يمه حرآم اتركيها بحـآلها يمه
سميرة : لازم لازم أرويها ، بكسرها وبكسر رآسها
حمد : على شاني يمه اتركيها
و خلصن البنـآت وتلبسن للمدرسه ، ونزلـن تحت ياكلون فطورهن ، أما ريم وبدور واقفات ينتظرن انهم يخلصون ، و إذا بقى أكل ياكلونه ، وإذا ما بقى يسيرن المدرسه بدون أكل ...
بوحمـد : يلا خلصوا على شان السـآيق يوصلكم بسرعه
وبعدين خلصوا أكل وسـآرن أنوار وأبرار المدرسـه ، وريم و بدور يغسلن الصحون
وخلصن
في الصالة ::
حمد : يلا أنا بسير ، تبون شي ؟
سميرة : سلامتك
ريم : يبه نحن خلصنا ، انسير المدرسه ؟
بوحمد : السايق خذ البنات
بدور : بس أخاف المدرسه يعطونا انذآر تأخير ونحن عندنا انذآر من قبل ، بعدين بيفصلونا
سميرة : وخير يـآ طير ، خلهم يفصلونكن مب لازم تدرسن
ريم حزت بخاطرها
حمد : ما عليه عادي أنا باخذهن في طريجي
بوحمد : بتتأخر عن الدوآم ، خلهم يوم بيرد السـآيق بيوصلهن
حمد : ما عليه يبه ، في طريجي
في السيـآره ::
حمد : امسحوها بويهي خواتي عن اللي صـآر اليوم ، أنا مب عارف كيف اعتذر
ريم : عادي ياخوي ، نحن نعرف إن مب قصدهم
حمد : والله إنكن طيبـآت ، لو أحد غيركم جـآن صايره مشاكل وآيد ألحين
...
في المدرســه :::
سـآرت ريم مع صديقتها منيره وقعدت معاها قبل جرس الطابور
منيره : بنت طيبه ، تحب الخير للناس ، وعندها أخوآن ، الكبير اسمه سلطان ، بعدبن حميد ، وبعدين هيه ، بعدين أخوها مـآيد ، وبعدين أختها أشجـآن ...
ريم : هلا والله منـوره
منيرة : أهلين ، هلا وغلا ..
ريم : شحالج اليوم ؟
منيرة : طيبة طاب حالج ، إنتي شحالج ؟
ريم : الحمدلله بخير
منيرة : حبيبتي شكلج تعبانه اليوم
ريم : شو أقولج منيره ؟ إنتي أدرى بحالي ، صح أنا ما أشكي حالي لأحد غيرج ، أفضفض هموم الدنيا اللي فيني لج ، أزعجج صح ، بس منو غيرج أشكي له
منيرة : قولي يا حبيبتي ، أنا سامعتج ، وإذا قدرت أساعدج من عيوني
ريم : خوآتي أنوار وأبرآر دايمـاً يقهرني بتصرفاتهن الله يهديهن إن شاء الله
منيرة : الله يكون بعونج ، والله إنج إنسـآنه طيبه وما تستاهلين الحقد
...
أما بــدور سـآرت عند صديقتها رُدَيْنـَـه
رُدَيْنـَـه : صديقة بدور ، تحبها وآيد ، وهن يحبن بعض ، وما يخبن على بعض أي شي ..
رُدَيْنـَـه : شحالج بدور ؟
بدور بحزن : الحمدلله بخير
رُدَيْنـَـه : وليش تقولينها بنبرآت الحزن ؟
بدور : الله يهدآهن أنوار وأبرار سون مشكله حق أختي ريم اليوم ، و عمتي سميرة ضربتها
رُدَيْنـَـه : حرآم ، والله ما تستاهل ريم ، هيه انسانه طيبة وحنـونه
بدور : الله يخليها إن شـآء الله
أنوآر وأبـرآر دايمـاً يسيرن مع صديقتهم شهـد
شهد : بنت قليلة أدب ، تكلم شبـآب على التلفون والمسنجر ، ما تعرف العيب ، وأهلها يعرفون ورآضين باللي تسويه ...
شهد : آآهـ بس ، أمس كلمت وآحد يا ربي شكثر رومـآنسي
أنوآر : الله الله عليج ، كم كبره ؟
شهد : عمره 18 سنـه ، اسمه شهـآب ، أحبه أحبـه ، طرش لي صورته ، يا ربي تخبلت حلوو وآآيد عيونه عجيبـآآت
أبرار : وين صورته ؟ أبا أشوفه
شهد : لا حبيبتي ، أخافج تعجبين فيه وتحبينه
أنوار : أقول شهوده إذا كلمتيه على المسنجر ما يقدر يشوفج ولا يسمع صوتج صح ؟
شهد : هيه بس إذا تبين تقدرين تكلمينه بالمـآيك ، وتشغلين الكـآآم
أبرآر : شهوده شوفي هـآي مس العلوم يايه صوبنا
مس العلوم " ابتسام "
مس ابتسام : شهد شو مسويه بعمرج وين يايه عرس ؟
شهد : مس شو الغلط فيني ؟
مس ابتسام : كلج غلط ، حاطه قلوس ، ولابسه اكسسورات
شهد : مس هذي الموضه
مس ابستام : والله ويهج فــوضه ، سيري مسحي اللي بويهج ، وتوجهي عند الوكيلة موزة
شهد خافت : مس ماله داعي الوكيلة موزة وآيد عصبيه ، خلاص أنا آسفه وما بسوي جيه مره ثـآآنيه
مس ابتسام : آخر انذآر لج وبعدها بتسيرين عندها
شهد تتأفف : حاضر مس
...
في كلاس ريـــم ::
مس العلوم ابتسـآم : سمعن يـآ طالبات باجر بنسوي تجربــة وعلى كل طالبة في كل مجموعه تييب شي من معدآت التجربة مفهوم ..
الطالبات : مفهـوم مس
مجموعة ريم الكل قرر تييب شي وريم بعد بتييب شي
مس ابتسام : سمعن يـآ طالبات اللي ما تييب الشيء المطلوب منها ناقص 10 درجات ، وبتسير عند الوكيلة موزه ، وبتـآآخذ انذآر ..
في كلاس بدور ::
المس : سمعن طـآلبـآت باجر امتحان في النحو والقوآعد واللي بتنقص 15 درجه من الدرجـه النهائية ما تلوم الا نفسها
طالبة : مس ممكن تقولين لنا شو العقاب ؟
المس : نسخ كل قاعده 100 مره ..
الطـآلبـآت كل وحده تطالع الثانيه وهن خـآيفـآآت لأن المنهج وآيد صعب ..
...
ولمـآ رجع الكل لبيته ، حطوا الغدا في بيت بوحمـد ، أما ريم وبدور فمـآ رضت كل وحده منهن تـآآكل الغـدآآ ..
في غرفـة ريم وبدور ::
ريم : بدروه حبيبتي ليش ما رضيتي تـآكلين غـدآ ؟
بدور : بـآجر عندنا امتحان فالنحو و القوآعد والمنهج وآيد صعب والمس محضره لنا عقـآب وأنا خايفه
ريم تيي عدآل أختها وتحط ايدها عليها : تخـآفين وأنا عندج ، لج مني وعـد أنا أدرسج وتفهمين كل شي
بدور تبـوس أختها : الله يخليج لي ريمـآآنه ، أنا مادري من غيرج شو أسوي ، إنتي ليش ما رضيتي تـآكلين غــدآ ؟
ريم : بـآجر عندنا تجربة بمـآدة العلوم ولازم نييب أغرآض لها والمس متوعده لنا بعقاب إذا ما يبنا الأغرآض ، بس أنا منو بييب لي ؟
بدور : خـلاص خلينا نقول للوآلد وإن شـآء الله ما بيقصر
ريم : أوكي يـلا ، ألحين يمكن خلصـوا من الغدا ، بنسير نلم الصحـون وبنقول لهم عن الموضوع ..
خذوا ريم وبدور الصحـون من فوق الطاولة ، بدور تغسل الصحون في المطبخ ، وريم عنـد أبوها والكل كـآن في الصالة ..
ريم قعـدت عند ريول أبوهـآ ..
ريم : يبـه لو سمحت ممكن طلب ؟
بوحمـد بعصبية : شو إن شـآء الله تبين ؟
ريم : مس العلوم طلبت منـآ نيب أغرآض للتجربة
بوحمـد : في غيرج بنات وآيد بييبن
ريم : بس يا يبه نحن وزعنـآ إن كل بنت تييب شي
سميـرة : إنتي ليش ما تسمعين الكلام ؟ خلاص قالج أبوج مب لازم تييبين
ريم : بس المس متوعده لنـآ بعقـآب وأنا خايفة ، أرجوك يبه لا تردني
بوحمد : أنا أقول ذلفي سيري ساعدي أختج بغسل الصحون
أنوار : يبه أنا أبـآ ملابس يدآآد ، وقرطاسيه حق المدرسه
بوحمد : من عيوني إنتي آمري بس ، ما طلبتي شي ، وإنتي أبرار ما تبين شي ؟
أبرار : بصرآحـه أبـآ كتـآب عن عنوآنه الحـب والرومانسيه
بوحمد : ما طلبتي شي ، من عيوني تدللي إنتي ..
ريــم نزلت رآسها ، وسـآرت المطبخ تسـآعد أختها
...
بيت بوسلطــآن \ بو منيـره ربيعة ريــم ..
نعرفكم عليهم : الكبير سلطـآن عمره 19 سنـة ، بعدين حميـد أكبر عن منيره بسنـه ، عقب منيره ، ، وبعدين أشجـآن عمرها 15 سنـة ، آخر شي مـآيد عمره 13 سنة
منيره قـآعده في الصالة تدرس ، بس ما بدلت الصفحه من ساعه ، وسرحـآآنه تفكر ، ومعاها أخوها حميد ولاحظ هالشي ..
حميد : شـآب وسيم ، حبوب ، طيب ، وآآيد وآآيد حلـو ، وكل البنات معجبات فيه
حميد : منيـره ، عسى ما شر ؟ ليش سرحـآنه ؟
منيرة : بصرآحه أفكر بربيعتي ريم
حميد : ليش شو فيها ؟
منيرة : مس العلوم طلبت منا نييب أدوآت حق التجربة ، ولازم كل طالبة تييب شي ولا بتعاقبنا ، و ريـم ما تقدر تييب لأنها أبوها ما بيرضى
حميد : ليش ؟
منيرة : أبوها عصبي ، وأمها متوفيه بحادث سيارة ، وأبوها كان متزوج غير أمها ، وألحين تعيش عند حرمة أبوها وعيالها في مذله ، وعندها أخت وحده من أمها ، وما ينفذون لها طلباتها
حميد : الله يكون بعونها إن شاء الله
منيرة : يــآآ رب
