هلا فيكم والى تكملة قصة بطلنا (أحمد) وطلبوا مني اكملها وقت متأخر خخخخخخ
المهم ركب سيارته وما حس بنفسه غير في فراشه واهله يبكون وهو يشوفهم ....
واحمد ما يقدر يتكلم ولا ياكل شيء ولا يتحرك اصبح كل جسمة مشلول بس يشوفهم ولكن
بدون ما يتكلم،،ولا احد يعرف السبب ولا شو الي صار له ...بدأ الاهل يقلقوا على حال أحمد
والد أحمد يتصل بأصدقائه ويسألهم عن الي صار ل أحمد
والد (أحمد):سلام عليكم كيفك حالك ولدي راشد..
راشد (صديق أحمد): عليكم السلام الشايب سعيد ...كنت الحين اريد اتصل فيك اسألك عن احمد
اتصل فيه وارسل ومايرد علي...والربع كلهم مايرد عليهم
الوالد:مو اقولك احمد من جاء امس من عندكم كأنه موته وهذاك النسخ يروح ويجي والعيون فاتحه ولا
يحرك شيء...
راشد:لا حوله ولا قوة الا بالله العلي العظيم...شو صار له طالع من عندنا مثل الحصان مافيه شيء
الوالد: والله علمي علمك ما نعرف شو صار له
راشد:بنجي نشوفه انا والربع
الوالد:حياكم الله تعالوا عسى يتحرك
بعد لحظات وصلة كل الشله عند احمد ودخلوا غرفته ولما شافوه على هالحاله حزنوا واجد
وفجأة فتح خلفان هاتفه (واحد من الشله)،،،ويقرأ سورة يونس ولما وصل عند الايات
((
فَلَمَّا جَآءَهُمُ ٱلۡحَقُّ مِنۡ عِندِنَا قَالُوٓاْ إِنَّ هَـٰذَا لَسِحۡرٌ۬ مُّبِينٌ۬ (76) قَالَ مُوسَىٰٓ أَتَقُولُونَ لِلۡحَقِّ لَمَّا جَآءَڪُمۡۖ أَسِحۡرٌ هَـٰذَا وَلَا يُفۡلِحُ ٱلسَّـٰحِرُونَ (77) قَالُوٓاْ أَجِئۡتَنَا لِتَلۡفِتَنَا عَمَّا وَجَدۡنَا عَلَيۡهِ ءَابَآءَنَا وَتَكُونَ لَكُمَا ٱلۡكِبۡرِيَآءُ فِى ٱلۡأَرۡضِ وَمَا نَحۡنُ لَكُمَا بِمُؤۡمِنِينَ (78) وَقَالَ فِرۡعَوۡنُ ٱئۡتُونِى بِكُلِّ سَـٰحِرٍ عَلِيمٍ۬ (79) فَلَمَّا جَآءَ ٱلسَّحَرَةُ قَالَ لَهُم مُّوسَىٰٓ أَلۡقُواْ مَآ أَنتُم مُّلۡقُونَ (80) فَلَمَّآ أَلۡقَوۡاْ قَالَ مُوسَىٰ مَا جِئۡتُم بِهِ ٱلسِّحۡرُۖ إِنَّ ٱللَّهَ سَيُبۡطِلُهُ ۥۤۖ إِنَّ ٱللَّهَ لَا يُصۡلِحُ عَمَلَ ٱلۡمُفۡسِدِينَ (81)))
قام احمد يرفس ويسوي صوت وسقط من سريرة ومو سويوا الربع تفاجأوا من المنظر وركضوا من الغرفه
وخلفان رمى بالهاتف وشرد...وبقى فيهم واحد (محمد) ..اربش واحد في الشله ..بس طلع اشجعهم
مسك احمد وجلس يردد الايات (الظاهر عليه كان يفهم هالامور)..بس احمد كان يتقلب ومحمد ضعيف ما قادر يمسكه وحده
بعدين جاء والد احمد ومسك مع محمد وهدأ شوية احمد وكان يصرخ بقوة خلهم يروحوا عني بعدين فقد الوعي ونام ورجع
مثل حالته قبل (اذا دخل الجن شخص يخلوه بس نايم وفاقد الوعي في اول الامر واحيانا يتعاون الجن مع السحره)
المهم والد احمد عرف شو فيه ولده احمد واتصل بواحد يقرأ قرآن وخبره انه ولده فيه مس من الجن ولازم يسوي له جلسات قرآن
استمر الوضع اسبوع بعدين صح احمد ورجع لحياته العادية بعد اسبوع حافل بالمغامرات ...وكان كل شوي يذكر ربعه بخوفهم
ويضحك عليهم...المهم لما يطلع مع ربعه غير الموعد وكان يرجع من وقت ساعه 8 عاد هو في البيت ،،في يوم من الايام خلفان
لدغته عقرب واضطر احمد يوديه المستشفى فركبوا له سقاية وبعدين وصله البيت وتأخر في الرجعه مثل قبل نصف الليل ولما صار في
نفس المنطقه شاف شايب في الطريق قال مسكين هين هذا يريد يروح ...الله يهديك احمد نسيت شو صار لك قبل...واشر الشايب ل احمد
ووقف سيارته ..قال ولدي اركب معك قال حياك الوالد هين تريد تروح قاله هنا بعد الجبل لف يمين قاله تم...شكل احمد ما يخاف هههه مثل البعض
المهم قبل من يلف يمين سأل الشايب احمد ولدي تخاف انت قاله عفا الوالد ذيب ما اخاف انا وشوية ورفع الشايب دهداشته وسوى حركة واحمد مافهم
مركز يشوف لفه الجبل ...رايحه هههه صيدة...المهم سوى مرة ثانية حركة واحمد ولا كأنه بعدين قاله الشايب شيء عندك ماي قاله ايوا ولما
التفت يعطيه الماي شاف رجول حمار ماعرف مو يقول احمد وتسمر مكانه قاله وقف السيارة ولدي هناء ومرة ثانية يوم تشوف حد في
الليل ما توقف له حتى لو قالك وقف وروح بيتك ....واحمد ماشيء قطع النفس ...وسلم ووصل الى البيت ...هههه الله يهديه ما يتوب
المهم مرة الايام ونسى السالفه وكانت امورة طيبة يرجع البيت من وقت واحيانا الشله تجتمع عنده بالبيت وفي يوم كان احمد ومعه محمد راحوا
العين تعرفوها الي في الامارات يجيبوا اغراض من هناك وتأخروا وصلوا اخر الليل وصل محمد بيته وراح هو البيت وكان لما يوصل هذك المنطقة
يسرع ويغمض عيونه ههههههههه جنون حد يسوق كذا ...وفجأة من بعيد شاف حرمة عجوز في الشارع قال في نفسه شوف العجوز سالمة شو جابها
مسكينة هنا بتكون خرجت من البيت وماحد حس فيها...العجوز سالمة وحده مافيها عقل وكذا تخرج من البيت..سبحان الله الجن يتشبهوا على شكل
بعض الناس كان من بعيد يشوفها العجوز سالمة...وقرب منها ووقف سيارته والمجنون يريد بعده ينزل عشان يركبها معه بس هي وحدها ركبت
وشاقها شكلها غير ومخيف ..قال فيه نفسه ما اخاف الجن والسحرة الي يخاف يصيدوه...المهم تظاهر بالقوة قالها الوالدة وين اوصلك قالت له روح
سيدة...بسم الله وين سيدة ومشى احمد فجأة جاء الشايب تتذكروه الي نصحه ووقف السيارة ..كيف وقفها ما نعرف وفتح باب السيارة وقال حال العجوز نزلي شو تريدي بالولد قالت ما يخصك قاموا يتكلموا كلام غير مفهوم واحمد يشوفهم ..بعدين قالت بنزل بس بهده شوية قاله روح بيتكم
وما تسمع انت النصح فجأة احمد حس بشيء بارد عند رجوله ولما بغى يشوف ايش هناك شاف افعى التوت في رجوله خاف واجد وفلت على
السكان وقام يصرخ وانقلبت به السيارة وتدهورت حالتها بعدين شافوه الصباح وحالته يرثى لها تكسر احمد وعقله راح
والحين بدون عقل ....
انتهت قصتنا ودمت سالمين
لقائنا يتجدد في قصة اخرى
مودتي \ورد
