((((( مرها حلو المنام وتعداها )))))

[نسر البوادي]

ياوجود اللي عيونه شقاويه
مرها حلو المنام وتعداها

كن بين جفونها جمرة حيه
مايطفيها سهرها ولا ماها

بيته ليل الشتا فابو حدريه
واحتداه و حد نفسه على أقصاها

مشكلة بعض الصدور الجنوبيه
لو تجيها دمعة الطير تملاها

العوامل والضروف الطبيعيه
غيرت مجرا زمنها ومجراها

ياوجود اللي عشق له (....!!)
في صلات الرحم ماهوب وياها

من تحبه لو تحبه على النيه
بركت بأقصى ضلوعه مطاياها

ذوقتني هجرها ثاني ضحيه
و اصطلت روحي على حر فرقاها

طيرت من غصن الاشواق قمريه
ورهنتني في هواها ولاماها

حايل من دونها حول وشويه
مير مالله حايل دون ذكراها

كل حاجه باقيه مثل ماهيه
ماسرا معها على درب مسراها

كود عضو (في جهتي الشماليه)
فاع من عوج الحنايا وخاواها

ودمعة نطحتها راحة ايديه
( افففف ) ياماحرها و ( احححح ) مقساها

حولتها يوم قالت وداعيه
و استباحت سترها فوق ماطاها

حيلتي لاهبت النود عصريه
قمت مع كل الجهات اتحراها

وأمست الفرحه يتيمه ومنسيه
في عيون حرقة الوجد تصلاها

عن خدينات الترف نفسي امعيه
لو تجيني مثلها كنها اياها !!

من غدت منه ( الذلول العمانيه )
ماتعوضه ( ناقة الله وسقياها )

دكت ضيوف المعازيب رجليه
مابقى الا ضيفة فوق مركاها

سيرة من وحي عامين هجريه
ودي أنساها ولا ودي أنساها

المعالم والرسوم الطلاليه
مايحفظ أمجادها الا بقاياها

ذكريات تعبر العمر طرقيه
وذكريات في وطنها ومرباها

وصورة في متحف البال مطويه
كل يوم افلها واتهجاها

من لها قدر أولويه وأهميه
ماشعرت بغربة الروح لولاها

والذي نفسي بيده إنها ليه
أقرب من كفوفها عند حناها

لو جفتني والعيون الشقاويه
مرها حلو المنام وتعداها

[نوارة الكون]

سلمت يمناك اخي
انتقاء جميل وتواجد اجمل
دمت في حفظ الرحمن ورعايته

[نسر البوادي]

تسلمين اختي نواره مرورك العطر اسعدني وكلك ذوووق

[أميرة الروح]

انتقاء واختيار جميل جدا
بارك الله فيك ووفقك وسدد خطاك

[اموووره]

ياوجود اللي عشق له (....!!) ( جزء من النص مفقود )
في صلات الرحم ماهوب وياها

وصورة في متحف البال مطويه
كل يوم افلها واتهجاها

انتقاااء جداً عذب اخي نسر ..
يعطيك العااافية ..
(يستحق النجوم الخمس)

[نسر البوادي]

اميره الروح تسلمين ياذوووق مرورك العطر اسعدني

[نسر البوادي]

اموووره تسلمين اختي مرورك الرائع اسعدني
ويعطيك الف عافيه على تزيينك الصفحه بالنجوم الخمس
مرور لا عدمناه

[روانـــــووو]

نسر البوادي طرح جمميل
يعطيك العافية على الأطروحات المميزة دائماً
حفظك الله وحماك نحن دائماً ننتظر المزيد 😁🖖

[رايق البال]

هلا فيك نسر ..
اختيار جميل وجدا عذب
الف شكر لجهدك واختيارك وتفاعلك الجميل
طابت مساءاتك ..

[حبي خالص]

انتقاء جدا رائع أخي
دائماً تتحفنا بروعة اختياراتك
دمت بخير