احسك ضايق الخاطر تعاتب روحك بروحك

[حبي خالص]

حبيبي يابعد راسي فداك القلب والأشواق
احسك ضايق الخاطر تعاتب روحك بروحك​

تكلم يابعد عمري انا جيتك ظما مشتـاق​
ولكن لهفتك عيّت تنـادي بالهوى بوحك​

وانا اللهفه خذتني لك وبوحي بشوفتك ينساق ​
على مهله يبي يسكن بقلبٍ داخل صروحك​

حياتـي قوم عاندني ولـوّعـني جفـا واشــراق​
وزحزح صمتك القاتل قتلني قاسي شحوحك ​

تعال نعيد ماضينا تعال نجـدد الأوراق​
تعال انثر على ليلي قطوفٍ من سنا دوحك​

تكلم ملنّي صبري تكلم وقتنا سرّاق ​
اذا مجروح من قلبي تـراه يعانـق جروحك!​

واذا نادم على حبي وطبعك مو كذب ونفاق ​
ابتحامل على جرحي وصدقك يعلي طروحك ​

تذكر وصلي الدامي وفاي ودمعـي الحرّاق ​
تذكر حبٍ اهملته وقلبٍ عانـق جروحك ​

تدلل قول علمني عن الخاطر علامه ضاق؟​
سلامة خاطر الغالي فداه اللي عشق روحك ​

ياعمري لاتعلقني وانا جنبك هوى خفّاق​
يسافر في صدى صمتك يجوب الكون بسروحك​

تكلم راحتي راحت تكلم ناحت الأعماق ​
تكلم.. طرفي الغامض يـناجي لمحة وضوحك ​

لكلمه بس مشتاقه لكلمه خاطري شفاق ​
حبيبي إرفق بقلبٍ خذلته صار مذبوحك

[مفآهيم آلخجل]

ذآئقة رآئعة

إنتقآء مميز

كل آلشكر لك..~

[نسر البوادي]

الله الله عليك ياذوووق ابيات ولا اروع اختي حبي خالص
يعطيك الف عافيه

[أميرة الروح]

نص جميل جدا
بارك الله فيك

[مجنونك ما يخونك]

[حبي خالص]

ذآئقة رآئعة

إنتقآء مميز

كل آلشكر لك..~

الشكر لك ولمرورك العطر عزيزتي

[حبي خالص]

الله الله عليك ياذوووق ابيات ولا اروع اختي حبي خالص
يعطيك الف عافيه

الله يعافيك أخي
شكرا لك

[حبي خالص]

نص جميل جدا
بارك الله فيك

الاجمل مرورك عزيزتي

[حبي خالص]

شكرا للمرور مجنونك

[رايق البال]

هلا فيك حبي خالص ..
نص واختيار ولا اجمل كما تعودنا منك
الف شكر لجهدك واختيارك وتفاعلك الجميل
طابت ايامك ..
( نص يستحق النجوم الخمس)