مردك للفرج يأكبـر الضيـق

[مجنونك ما يخونك]

مردك للفرج يأكبـر الضيـق

هين مردك للفرج يأكبـر الضيـق
.............دام الليـالـي تقتفيـهـا لـيـالـي
هي بس تبغى طول صبر وتوافيـق
............وأشيل هـم النـاس كلـه لحالـي
وعمر المربط مايسـوق المطاليـق
..............والحر ماترضيـه غيـر المعالـي
ياصاحبي وإن زاد ظلـم المخاليـق
.......فلاتحسب إن الله عن الخلق سالـي
والطيب يمحى العيب عرف ومواثيق
.........والا الخطا ماله على الطيب والـي
واللي جرحني بين حدب ومعاليـق
.......مأخفي عليك انه الى الحين غالـي
ياحلمي اللي مالـك اليـوم تحقيـق
..........حبك حقيقي بـس وصلـك خيالـي
والحب يفضحني وان اخفيته يويـق
.............وإن مامضالـي بالوفـا مابقـالـي
جرحتني مختـار ياحالـي الريـق
.............واسامحك مجبـور يـاراس مالـي
صوره ولا يحتاج الإحساس تعليـق
............أركض رجا ويطيح ميّـس ظلالـي
وان كان بيبان المشاعـر مغاليـق
...........فماهو جديد ان الزمـن ماصفالـي
ليت الهوى جمعه ولا فيـه تفريـق
..............أوليـت ماللبعـد فالقلـب صالـي
ياصاحبي وان شلت لك فوق ماطيق
...............فأنا لحالي جيـت وأرحـل لحالـي
وهين مرده ينتهـي كـل هالضيـق
................وأقـول للمـره الأخيـره تعـالـي

[حبي خالص]

ابداع متواصل مجنونك
يعطيك الله العافيه ويسلم الذوق

" نص يستحق النجوم الخمس "

[أميرة الروح]

جميل هو انتقائك اختي
بارك الله فيك
دمتي مميزة في اختيارك

[رايق البال]

هلا فيك مجنونك ..
نص واختيار جدا راقي وعذب
الف شكر لجهدك واختيارك وتفاعلك الجميل
طابت صباحاتك ..

[نسر البوادي]

الله الله عليك مجنونك ابدااع اختي ابيات فاقت الروعه والجمال ياذوووق

[نوارة الكون]

سلمت يمناج اختي
انتقاء جميل وتواجد اجمل
دمتي في حفظ الرحمن ورعايته