(((( يا ضحكة الورع مدري وين شايفها ))))

[نسر البوادي]

يا ضحكة الورع مدري وين شايفها
ان كان ماني متوهم ضحكت فلانه

قمازته وشفته تشبه شفايفها
وعيونه عيونها يضحك ونعسانه

والله يا ضحكته عجزاطوفها
اللي شغلني معه من جملة اخوانه

وقفت والنفس مابدت حسايفها
ضيعت وقتي غصب كله على شانه

انشده والبشر تتبع ولايفها
يلعب طرب بالملاهي بين ورعانه

صديت والعين ماتنسى وصايفها
هذيك نفسي عليها حيل شفقانه

وا نفس ياللي تحلفني واحلفها
حاولت اشكك وهي ماهي بغلطانه

تقول هل الورع والله من خلايفها
واقول ربي يخلق اشباه سبحانه

هذيك راحة وانا ماني بعايفها
حكم المقدر وكلن راح فيشانه

خبريبها يوم جاها من طويفها
الي خذاها ويتبع سلم جدانه

ماشافته ولاهو ماهو بعارفها
ماشاورها ابد ما كنها انسانه

راحت وانا بشقى كني مناصفها
يا مل قلبن شكى همه وحرمانه

لليوم قلبي يرددلي سوالفها
هذيك نفسي عليها حيل شفقانه

[أميرة الروح]

نص جميل
راق لي طرحك
بارك الله فيك
(يستحق ان يتوج بالنجوم)

[نسر البوادي]

تسلمين اختي اميره مرورك العطر اسعدني
شاكرا تزيينك الصفحه بالنجوم الخمس ياذوووق

[اطياف السراب]

نص رائع جدا

شكرا جزيلا لك على جهودك

[نوارة الكون]

سلمت يمناك اخوي
انتقاء جميل وتواجد اجمل
دمت في حفظ الرحمن ورعايته

[نسر البوادي]

اطياف السراب مرورك اسعدني ياذوووق

[نسر البوادي]

نواره مرورك اسعدني ياذوووق اختي