((((( وربعك الى بان الخلل فيك عافوك )))))

[نسر البوادي]

وربعك الى بان الخلل فيك عافوك
اقرب قريب لك من الناس يشناك

ان كثر مالك اصدقولك وطاعوك
وان قل ما بيدك شانت حلاياك

لو تطلب الماء عندهم كان ما اسقوك
ابعد مزارك عن وطنهم ومرباك

وان طاب حظك اصدقولك وحبوك
وان بار كل ما يبي غير فرقاك

وهراجة المجلس الى جيت وروك
منازل تطرب نظريك بدنياك

والى قضوا منك اللوازم وخلوك
تفرقوا وانت احتمل لحل ما جاك

كنك سراج البيت للنور شبوك
واللي انقضى اللازام حد الربع طفاك

وقال:

واصحى لخلان الرخا لو تغالوك
اعرف ترى اطيبهم الى احتجت يجفاك

كنك خوي مقيط دهووك واغووك
وحقك عطاك رشاك واقفى وخلاك

واحذر عن العيلة ترى الحق مدروك
مثل العمل يدركك ما منه فكاك

وان كان عدوانك على الضيق حدوك
فاخصم طلابتهم بعجفاك وقداك

وان كان هم لمشرف الحق ما شوك
ناظر مطاليع الفرج قبل مبداك

واحلم على الجاهل ترى الحلم مبروك
وقم للضعيف اللي من الضيم ينخاك

وادمح خطا جيران بيتك الى اوذوك
ترى القصير وحرمة الجار بحماك

وقم للضيوف اللي لفولك وضافوك
اغلا كرامتهم حجاجك وبشراك

[ثابت الخطى]

الله قصيده من عيون الحكمه
بارك الله فيك استاذ نسر

[نسر البوادي]

تسلم اخي ثابت مرورك الرائع اسعدني ياذوووق

[أميرة الروح]

نص واختيار رائع جدا
راق لي
يعطيك العافية عالانتقاء
بارك الله فيك
(يستحق ان يتوج بالنجوم)

[نسر البوادي]

تسلمين اختي اميره الذوووق مرورك الرائع اسعدني
شاكرا لك تزيينك الصفحه بالنجوم الخمس
وكلك ذوووق ياذوووق

[اطياف السراب]

نص رائع جدا

شكرا جزيلا لك

[نسر البوادي]

اطياف السراب تسلم ياذوووق مرورك العطر اسعدني

[رايق البال]

هلا نسر ..
نص واختيار كالعاده ولا أروع
الف شكر لجهدك وتواجدك الجميل
طابت مساءاتك ..

[نسر البوادي]

تسلم استاذي رايق البال مرورك العطر اسعدني ياذوووق