(((( يجيبك الشــــــــــــوق ))))

[نسر البوادي]

يجيبك الشوق .. وألا تجيبك الحاجه
مصيرك لا صفعك الوقت .. تذكرني !!
أقفيت والحزن عقبك .. عاود أدراجه
ولا بقى إلا قصيدي فيك يجبرني !!


قبلك سمحت وهجرت العشق وإزعاجه
والشكر لله .. قبل الروح تشكرني ...
وشفتك وسلمتني قلبك ومزلاجه
وأصبحت تنهي على كيفك وتامرني !!


كنت أحسبك طبيب القلب وعلاجه
وأثرك تدّور على أدنى شي يكسرني !!
تسهر وترقد .. وشوقك طافي إسراجه
وأنا أتململ وطاري الشوق مسهرني !!


يامن بكاه القصيد العذب .. وإنتاجه
الله على كل طعنةٍ منك يأجرني !!
حركت بحر القصيد وهاجت أمواجه
وهذا هو اللي على فرقاك صبرني !!


قصيدةٍ من سحاب الشوق ثجاجه
منظومةٍ من رضا الجمهور تسترني
الله عطاك القبال .. ولبسك تاجه
وأعطاك من ما عطاني ما يكبرني !!


في طلتك ملح .. وبهرجتك ديباجه
متى على الله يجيني من يبشرني ؟!
يا آخر دروب الغلا اللي شيد سياجه
على خطا من غلاه العذب .. باشرني


يمكن مع الوقت حظي يضحك إحجاجه
يجيبك الله وتقول : أبطيت واعذرني !!

[اطياف السراب]

انتقاء رائع جدا

شكرا جزيلا لك

[نسر البوادي]

تسلم اخي اطياف السراب مرورك العطر اسعدني ياذوووق

[أميرة الروح]

نص وأختيار رائع جدا
يعطيك العافية عالانتقاء
بارك الله فيك

(يستحق ان يتوج بالنجوم)

[نسر البوادي]

تسلمين اختي امير الذوووق مرورك العطر اسعدني
شاكرا لك تزيينك الطرح بالنجوم الخمس
يعطيك الف عافيه مرورك لاعدمنااه

[نوارة الكون]

سلمت يمناك اخوي
ودمت في حفظ الرحمن

[نسر البوادي]

تسلمين اختي اميره مرورك العطر اسعدني ياذوووق

[جميلة الملامح]

اخي نسر
ابدعت في الانتقاء
قصيدة رائعة

شكرا لذائقتك الراقية جدا

راقت لي

[نسر البوادي]

تسلمين اختي بقايا روح مرورك الاروع ياذوووق
يعطيك العافيه