روسنا سود الليالي شيبتها

[هجرس الروح]

الليالي ماصفت فيها المشارب

كيف تصفى والهموم مكدرتها

والبشر هذا الزمن مثل العقارب
لو يدينك في مخابيك إلدغتها


ومثل ماقال المثل سدد وقارب
لا تقاطعها ولا تآمن جهتها

وإجعل الأذكار لك مرسى وقارب
تحفظك من موجها وملاطمتها

وكم وجيهٍ خلفها حقد ومآرب
والكلام الزين في روس ألسنتها

وكم وجيه تعجبك والمخ ضارب
لو تسرحها ب شاةٍ ضيعتها

وكم رجالٍ تمتلك لحيه وشارب
عاشت وماتت وهي ما كرمتها

جعل ما بين المشارق والمغارب
بيني وبين الرخوم ومعرفتها

واغتنم خوة عطيبين المضارب
الرجال اللي رفيعه منزلتها

للحمول الكايدة ظهرً وغارب
لا وطاك الوقت بانت منفعتها

واعرف الناجح ترى دايم محارب
لا تحطمك الرخوم وبربرتها

ولو تشوف اللي تشوفه لاتَغَارب
روسنا سود الليالي شيبتها

[مجنونك ما يخونك]

[أميرة الروح]

نص رائع جدا
راق لي
يعطيك العافية عالانتقاء
بارك الله فيك

[سحابة ممطرة]

انتقاء رائع
كل الشكر لك

[نوارة الكون]

سلمت يمناك اخوي
دمت في حفظ الرحمن