نامي ..وخلّيني أتحرى مجيّـك في منامي

[ملهم]

أنتي أكبر .. أنتي أكبر .. أنتي أكبر من كلامي
لو أسوّي من غرامي فيك معجم للمحبّه

أنتي أكبر ..من قصيدي ..من شعوري ..من هيامي
أنتي اكبر .. من حجم كرهي لـ نغمات المنبّه

ليه أسمّع لك غزل غيري !! أنا ماني حرامي
يطعم الضّيف بطعامٍ ما غرس بيديه حبّه

نامي ..وخلّيني أتحرى مجيّـك في منامي
يا غذا نفسي ..ويا قلبي ويا جرحه , و طبــّـه

إتركيني أعشقك بسكات .. ياهمـّ إهتمامي
يا نهر .. مجراه في الأرض ومن الجنّه مصبـّه

فـ السفر فـ النوم فـ التفكير فـ البيت فـ دوامي
آتخيّـل وجهك الطاهر , وأقرّب له و أحبّه

حـبّـنا .. ما يجرح صيامك , ولا يجرح صيامي
حبّ كنّه .. آنا آسف .. حبـّنا ما ينتشبّه

إعشقيني .. ليــن أغار إذا لمحت إسمي أمامي
أبغي مْـن الغيره إذا مرّني إسمي .. أسبـّـه

إسرقي منّي شهيّة نفسي لحاجة طعامي
كلّ فتره .. زعـّليني , و إزعلي من غير سبـّـه

أبغي آراضيك , لأن رضاك يرفع من مقامي
وأبغي .. أعرف قيمة الشاطي .. عقب ماغوص غبـّـه

حاربيني .. خسّريني .. حسّسيني بـ إنهزامي
الخساره منْك .. فرحة مغترب عاد لمربـّـه

إزهدي بـ إسمي .. أنا ماحب تمجيد الاسامي
ما يفاخر بـ إسمه الاّ الجاهل اللي ما تعب به

إصنعي في ضحكتي .. روح التمرّد في ميامي
وارسمي في داخلي .. شيبه .. لحاله .. في مشبّه

كوني أغمض .. من سبب صمتي و من سرّ إبتسامي
لكن .. أوضح من طفل يبكي على ضيعة لعبّـه

ألهميني شعر .. ما يستاذن الشعر النظامي
أغرفه من عينك الحورا .و في إذنك أصـبّـه

أنتي .. وحده .. مالها ثاني .. مثل بصمة بهامي
تجمعين .. أحلى المناظر , والصفات المستحبّه

من غروري فيك .. ولاّ .. من غروري في غرامي
ودّي .. أحطب .حبّ قيس اللي عبد ليلى وأشبّـه

أنتي أعظم من حجم حبي و من نعمة عضامي
لا وقف جسمي .وأنا مشتاق .و الوحده تهبّـه

[عملاق الشعر]

ملهم


نص في قــــــــــــــــمة الجمال
وانتقاء راائع جداا


سلمت يداك المبدعة وذوقك الراقي

[الشيخه الفلانيه]

،

قصيدههَ جميله ;
كُل آلششكرْ عَ آلأنتِقآء
يعطيكِ آلله آلععآفيهً !