القلوب البيض تبقى مثل ماهي

[بدر الدجى]

يوم هبّ الوقت وأعماني عجاجه
الفرج عيّا .. وأنا بالصبر راهي

ويوم مال وطال ميله وأعوجاجه
رحت أدوّر شي ٍ يشد إنتباهي

وشفت زولك مقبل ٍ مثل إنفراجه
كنّه اللي جايبٍ عزّي و جاهي

ياه ياضيقات صدري وإبتهاجه
تذكر آخر مرة ٍ شفتك ..متى هي !!

صاحبك من يومها زاد إحتياجه
وأمتطى ظهر المصايب والدواهي

سولف الليله على قلبي و ناجه
من بقى لي غيرك أفخر به وأباهي

يابعد من كدّر غيابي مزاجه
ويابعد من مرّت حروفه شفاهي

رغم حيرة قلبك ورغم إنزعاجه
الزمن .. ماغيّر احساسه تجاهي

ورغم وحشة بعدك وقسوة سياجه
كل حاجه فيك ظلّت مثل ماهي

الخجل في وجهك أول منتواجه
والبراءه في عيونك وأنت ساهي

وبسمتك لامن بغيت تقول حاجة
وغيرتك لاشفت كنّي عنك لاهي

قبل أشوفك .. والزمن عاقد حجاجة
أسأله : وش فيك ؟! وألقى العذر واهي

ويوم شفتك قلت للوقت وعجاجه :
هيه ياللي في طعونك كنت راهي

أنت لو غيّرت فينا ألف حاجة
القلوب البيض تبقى مثل ماهي

[رايق البال]

هلا فيك سوسو ..
لا جديد تميزك في انتقاء المفرده الراقيه والعذبه
الف شكر لجهدك واختيارك وتفاعلك الجميل .. كلك ذوووق
( نص يستحق النجوم الخمس)

[عطر الاحساس]

كَلمَأت جميَله ,
أبَدعتَ بِ أنتَقأئك لِ نصَك الفَأخَر ,
بَ أنتَظأر مَزيَداُ منْ تَألقَك .,’
لك أرقْ تَحييييه ’,

[صدى صوت]

من القصايد التي لفتت انتباهي بقوة ..
قصيده فعلا جميله واختيار اجمل وذوق واضح
تقبلي مروري ..

[ضحية غرامك]

كلمااات ولا اروع ...

يعطيك الف عافيه

[سحابة ممطرة]

راااااااااااائعة اختي
سلمت يمناك

[نوارة الكون]

سلمت يمناج غاليتي اختيار متميز وراقي

[حبي خالص]

الله عليك سوسو
ذوق راقي كالعاده

[بدر الدجى]

هلا فيك سوسو ..
لا جديد تميزك في انتقاء المفرده الراقيه والعذبه
الف شكر لجهدك واختيارك وتفاعلك الجميل .. كلك ذوووق
( نص يستحق النجوم الخمس)

تسلم استاذي ... كلك ذووج

أسعدني مرورك العطر

[بدر الدجى]

كَلمَأت جميَله ,
أبَدعتَ بِ أنتَقأئك لِ نصَك الفَأخَر ,
بَ أنتَظأر مَزيَداُ منْ تَألقَك .,’
لك أرقْ تَحييييه ’,

مرورج الأجمل غاليتي
لآخلا ولآعدم هالطلة