البشـر في الدنيا هذي صـار ياكلهـا بشـر

[نوارة الكون]

البشـر في الدنيا هذي صـار ياكلهـا بشـر

مغفره وذنوب , والساعه بلا تُوبَـه تدور
السنه صَارتْ سَريعه حِيلْ , وأحْسِبْهَا شهر







عِذتْ أنا مِنْ شَرْ خَناسٍ يوسْوسْ بالصدور
وما بكيت إلا لوجــه اللــه في ليلة قدر

تِختصر مَعنى حياتِكْ كيف تبني لِكْ قصور !أحْتِــــرم رايك ..
وهذي تُعتبَــر
..... ( وجهَــة نظر ) !




زين طيِّب .. دام تِدري إنَّ لِكْ رَبٌ غفور
ليه ما صَلِّيتْ لَاجله وما رفعت إيدك شكر!؟




حَدِّث العاقِلْ بمَا يُعقَل..وفي قلبٍ جَسُور
وإنْ خطيت بحق غيرك روح قدِّم له عذر




رافِقْ الشخص المِثالي اللَّي لو تخطي / يثور
وإن سِمَعت إسْمَعْ مِنْ اللِّي تِلقى في صَمته " دُرر "




وقبل تِسأل عَنْ حياتي وكِيف وجهي شَع نور
خلْ كلامي لِكْ وصيَّه وخلْ بعد عِندكْ خبر




ما نالْ في الدنيا أحَدْ يا سَائلي غير (الصبور)
والدليل إنِّي صِبرتْ .. وكانت أيامــي تمر




لا تقول: الحَلْ إنِّكْ تِلقَى لِكْ,عاشِقْ غَيور
إنْ حَبِّتِكْ عِينه ترى ..
ما حَبِّتِكْ
........ عِين الدهر !!




مِثلِكْ أوَّلْ كان حَالي وضِيقتي ونفس الشعور
كِنت أقول : اشمعنى قلبي في مشاريعَه خسر




ما دريت إنَّ الغِيابْ أحيَان أفضَلْ .. مِنْ حضور
لِين شِفت " الشمس " تشرق بعد ما يغيب (القمر )




وما دريت إنَّ التواضُع كنز / ومَكرُوه الغرور
لِين شِفت إنَّ الغِنى .. في الآخِرَه مِثل الفقر !!




كِنتْ غـافِلْ في حياتي وكِنتْ أجْهَلْهَا الأمور
لِينْ ربِّي له هدَاني .. وصِرتْ أدَوِّر لِي أجر




لا تقول: أعيش يُومي دامي في عمر الزهور
ماانت ضامِنْ عُمركْ الباقي .. وقَطَّافْ الزهَر




قبل لا تبدي الخطِيئه وتبْنِي لِذنوبك جسور
خافْ مِنْ ربِّكْ وفكِّـر في وعَد يُوم الحشر




مَهْمَا كِنت إنسَان " راقي " وتعشِق أنواع البخور
التراب اللَّي يضمك بعد مُوتك
........ والقبر !!




ياما قالوا الناس : خايف
وقلت : ما فيني قصور


بَسْ شِفتْ إنَّ الشَّجَاعَه مَعنى ثاني للخطر




إيهـ خافْ وكُونْ سَالِم دام هالدنيا بحور !
والبحر مَهْمَا وفالِكْ طبعَـه ( غدار ) البحر




وللشجر إن شفت هامه هذا مِنْ طيب الجذور
يعني أعمالك جذورك هذي هـي بالمختصر





القضيه: ما هِـي شخصٍ خالِفَـه شِرطي المرور
البشر في الدنيا هذي . . . صَار , ياكِلْهَا بشر !

[بدر الدجى]

انتقاااااااااء راااااااااااااااائع .... رااااااااااااااق لي

القضيه: ما هِـي شخصٍ خالِفَـه شِرطي المرور
البشر في الدنيا هذي . . . صَار , ياكِلْهَا بشر !


كل الشكر لرقي ذائقتج

[مجنونك ما يخونك]

[نسر البوادي]

أحرف سطورك شلت قلمي ..
وكلماتك شغلت تفكيري..
لم أجد حروف تناسب هذه الاحاسيس الرائعة
وليس لي ما أضيفه على تلك الترانيم الجميلة
سوى أنك أبدعتي بكل ما تحمله الكلمة من معنى..

سلمت يمناك
فلا تحرمينا عذب كلامك الرائع

[الشيخه الفلانيه]

،



قصيدههء جميله ;
كُل آلششكرْ عَ آلأنتِقآء
يعطيكِ آلله آلععآفيهً !

[حبي خالص]

الله على روعة الانتقاء وعذوبة الكلمات
نواره ابدعتي عزيزتي جدا راق لي اختيارك

" نص يستحق النجوم الخمس "

[العود الازرق]

زين طيِّب..دام تِدري إنَّ لِكْ رَبٌ غفور
ليه ما صَلِّيتْ لَاجله وما رفعت إيدك شكر!؟

رووعه
يعطيك العافيه

[رايق البال]

هلا فيك نواره ...
نص واختيار جدا راق لي
الف شكر لجهدك واختيارك وتفاعلك الجميل .. كلك ذوووق

[زهرة الأحلام]

.
.



نواآرة ..
كلماآت جميلةة / ذوقٌ راآقي
اسعدكـ الرحمن ~

[قمر البلوش]

اختيار رائع
كلگ ذووق
يعطيگ العافية..