وكل ما ألمَح سرابك .. أرتِبِك ، الله وكيلك

[رايق البال]

يسعد صباحكم / مساكم
هلا بالجميع ...
لقاء متجدد يجمعنا واتمنى ماراق لي يروق لكم احبتي ...



شي يخصك باقي عندي " قلب " من غيرك وحيد
ما يبي يبقى معاي .........! يا أجيلك / أو يجيلك


يسألوني الناس عنِّك وليه ما أكتب [ قصيد ] ؟!
قول .. لا تسكت .. تكلَّم .. وش أجاوبهم دخيلك ؟!


إختلفنا . . . . . وماعرفنا شنهو الراي السديد ..
يا تضحِّي في عنادك ..! أو أضحِّي في سبيلك


ليه كل عيد إنتْـفارق ؟! صرت أكرَه كل عيد
وإنتْـ فارق في [ غلاتك ] .. وقلبي ما عنده مثيلك


المشاعر من غيابك يا دفا إحساسي , جليد
طحت من عيني لـ قلبي وما قدرت إنِّي أشيلك


يشهد الله .. من رحلت وفي حياتي ، لا جديد ..
وكل ما ألمَح سرابك .. أرتِبِك ، الله وكيلك


حالتي صعبه / بدونك .. وكيف حالك يا بعيد ؟
أشتكي منِّك إليك .. ومن جروحي , أشتكيلك


والله ما قصرَّت فيني بس .. ودِّي لو تزيد
يعني " إذبحني " وكمِّل يا بعد قلبي / جميلك


أدري غلطاتي كثيره .. وفوق كل هذا عنيد
وش تسوِّي هذا حظِّك رغم زلاتي [ خليلك ] ..!


أقتلك .. لا من خطيت ويا عسى عمرك مديد
و أعذرك .. لو كنت قاتل لأنه يستاهل قتيلك


ويلي منِّك لو نسيتك . . . والزعل طبعاً " شديد "
ولو أحس لحظه بـ أنِّك منشغل عنِّي .. يا ويلك


كل عاذل جاك بَعْدِي .. وقالـ لك إنِّي : سعيد
- ما صِدَق ! وين السعاده ! والحزن شيَّد رحيلك !


وكل عاذل قال عنِّي شي .. - إحساسه بليد
ما قدر ياخذ كثيرك .. صار يطمح , في قليلك


وكل عاذل إن عطيته وجه .. - ورَّاك المزيد
لو يقول إنَّه : يبيلك خير .. والله ما يبيلك


جيتهم طيِّب ....... . وأدري في زماني ما يفيد
وش حصيل الطيب فيهم ؟ ومن فراقي , وش حصيلك ؟


بترك الدنيا عشانك ! دام هذا ما تريد ..
ويا عسى كلمة " عشانك " تشفي يا روحي غليلك


الدليل إنِّي أحبك : صرت أحسِّك بـ [ الوريد ]
وأدري في قلبك يحبني دون ما أسمع دليلك


في عيونك صرت ( شاعر ) واصل القمَّه / فريد
وصرت تسوى في عيوني كل بَني جنسك , وجيلك

مثل قلبك ما ألاقي ..! ومثلي ما تلقى أكيد
يعني ما عندك بديل ومستحيل ألقى بديلك ..!


يا غزال(ن) . . . شُوف قلبي ما يبي غيرك يصيد
ولا بغيتك ..أدري وينك أسمعك , وأتبَع [ سليلك ]


إجلس بـ عرش الفؤاد ولك أحاسيسي عبيد
وإعتبر حُبي نهارك , وقمرة (ن).. تضوي في ليلك


ياللِّي شيَّعت المفارَق ....., إشرَب وصالي و أزيد ..
خذ دفا إحساااسي و " إدفا " كان بردك هّد حيلك ..!

اخوكم / رايق البال

[حبي خالص]

الله الله عليك استاذ
نص ولا أروع للبعيد أخذني
متميز وراقي دائما بالانتقاء

" نص يستحق النجوم الخمس "

[سحابة ممطرة]

قصيدة مميزة وجميلة وراااائعة
يعطيك العاااااافية استااذي
كلماااااات ولا اروووع ...

[الشيخه الفلانيه]

،


كل عاذل جاك بَعْدِي .. وقالـ لك إنِّي : سعيد
- ما صِدَق ! وين السعاده ! والحزن شيَّد رحيلك !


وكل عاذل قال عنِّي شي .. - إحساسه بليد
ما قدر ياخذ كثيرك .. صار يطمح , في قليلك


وكل عاذل إن عطيته وجه .. - ورَّاك المزيد
لو يقول إنَّه : يبيلك خير .. والله ما يبيلك

/





قصيدههء جميله ;
كُل آلششكرْ عَ آلأنتِقآء
يعطيكِ آلله آلععآفيهً !

[نوارة الكون]

سلمت يمناك اختيار متميز استاذي ربي يعطيك العافيه

[حبك وطن]

روووووعه واكثر
تسلم يمينك ويسلم ذوووفك الراقي
يعطيك العااافيه استأذ

[اهلي ملاذي]

نص جدآ جميل ومميز آخي رآيق
تسلم ع آلطرح آلذووق#

[رايق البال]

الله الله عليك استاذ
نص ولا أروع للبعيد أخذني
متميز وراقي دائما بالانتقاء

" نص يستحق النجوم الخمس "

حبي خالص
تسلمي والله
الف شكر لمرورك وتعليقك اللي اسعدني .. كل الود لك مني

[صدى صوت]

يا سلام عليك يا استاذ .. انت الذوق كله ..
الخمس نجوم قليلات عليك .. تستاهل اكثر

[زهرة الأحلام]

.
.



راآيق ..
كلماآت جميلةة / ذوقٌ راآقي
أسعدكـ الرحمن ~