مدخل::~
آه يازهرة الحرمان ضاعت دروبي..
على رمال الوجع
ظلً تبعني وظلً رجع!!
الـشــوق مـالــه عـمــر , يـفـنــى ويـنـعــاد
له في الضلوع أن عاد وأن غـاب رجفـه
مـع كــل فـرقـا , لــه ورى الجـفـن مـيـلاد
وأن مـاتـت الفـرقـا لـقــى الـشــوق حـتـفـه
جـيــت أقـتــل الـفـرقــا مــــن بــــلاد لـبــــلاد
مــــلّ الـطـريــق يـشـيـلـنـي فـــــوق كـتــفــه
وأنـــا بـعــد مـلـيـت مـــن كـثــر مـــا أرتــــاد
هالـشـارع الـلـي كـــان لـــك فـيــه شـرفــه
تظـمـأ عيـونـي شـوفـك , وتشـبـع سـهــاد
عــيّــا الــزمــن يـقـطــع ظـمـاهــا بـرشــفــه
لاوجــهـــك أسـقــاهــا , ولا ذاقـــــت رقـــــاد
مـاغـيـر طـيـفـك , طـيـفـك الـلــي أعــرفــه
كــنّــه ظــبــي , وعـيـونــي ظــــلال صــيــاد
يــجــفــل قـــبـــل يـــرتـــد لـلـجــفــن طـــرفــــه
مشكـلـتـه أنـــه كـــل مـــا أشـتـقــت يــــزداد
حــتـــى مـــــلا جـــــدران وقــتـــي وســقــفــه
وأصـبـحـت أشـوفــه فـأول الـغـيــم لاجــــاد
وفـأقصى الشفق لاطاحت الشمس خلفه
وفـي الأرض لانامـت عقـب صـوت رعـاد
وفــي كـــل شـبــاك ٍ صـحــت مـنــه درفـــه
أتـعـبــت طـيـفــك لــــوم , والــلــوم مــافـــاد
ويــوم الأمــل فــي شوفـتـك مــات نـصـفـه
نــويــت أســافــر عــنــك بــجــروح ٍ جـــــداد
وعـمـر ٍ مــن أوراق الـزمـن حــان قطـفـه
نـويــت , لـكــن جـابـنـي الــشــوق مـنـقــاد
وجـابـك حنيـنـك , والـزمـن ســال عـطـفـه
شفـتـك تـبـسّـم لـــي خـجــل مـــدري عـنــاد
وفـي نظرتـك شـوق ٍ مـن الظـلـم وصـفـه
حـسـيـت كـنــي طـفــل , وعـيـونـك أعــيــاد
ياعـيـدي الـلـي لـــه ورى الـصــدر رجـفــه
ســـمّ الـلـقــا صــدفــة , وأسـمّـيــه مـيـعــاد
أنـــا أنـتـظـرتـك , وأنــــت مــريــت صــدفــه
مخرج::~
يارعشة عظامي..
جيت انا ضامي
امشي ورجلي الفضاء~
رد مع اقتباس
المشاركة الأصلية كتبت بواسطة عملاق الشعر
