الظاهر إني فوق حجمـك عطيتـك

[نوارة الكون]

الظاهر إني فوق حجمـك عطيتـك

راسك علامك رافعه يـوم أحاكيـك
الظاهر إني فوق حجمـك عطيتـك


لحظه نبي نرجـع دقيقـه لماضيـك
بــذكـرك فـي أي حـالـــه لقيـــتـك


كان الضيـاع ودمعتــــيـن تخاويـك
منهار وفي عـز انهيـارك خذيتـــك


وأرخصت عمري لجل أحبك وأداريك
هــــدمت قصـر الـذل فيـك وبنيتـك


كان الغـــــلا شمعـه تنـور لياليـك
لوأظلمت دنيـاك جيـت إحتويتـك


ياللأسف كنت أمدحـك وأفتخرفيـك
رفعت من شانـك وعليـت صيتـك


كنت أنت عندي غير ماأقدرأخليـك
أموت وأحيا ان قلت سـم وفديتـك


واليوم أشوفك خنت حتـى مباديـك
صغرت في عيني وأنا اللي هويتـك


الضيـف لـو انـه عـدو مـــــعاديـك
غصب عليك تقـدره وسـط بيتـك




ياصاحبي بتمـوت مانـي براجيـك
واشره علي ان كان حتـى طريتـك


لاصار ذل النفس في قلـب يغليـك
يلعنـك ياقلـب عشقـك وشريتـك


اضحك حبيبـي دام وقتـك مسليـك
باكر تموت مـن القهـر لانســـــيتـك

[صدى صوت]

نص جميل مع ان مسألة المن هذي تعطي انطباع سلبي عن الحبيب الذي لا ينسى ماضي حبيبه ويذكره له في اي فرصه .
اختيار رائع مميز

[الشيخه الفلانيه]

قصيده جميله ،
يعطيك العافية '

[الرميثي]

نص جدا رائع
يسلموووو اختي ع الكلمات الراائعه ..
يعطيك العاافيه

[ناكس الغتره]

اختيار موفق نواره الكون ..

[زهرة الأحلام]

.
.



نوارة ..
كلماآتٌ جميلةة / ذوقٌ راآقي
أسعدكـ الرحمن ~

[رايق البال]

هلا فيك نواره ..
نص واختيار جدا رائع كما تعودنا منك
الف شكر لجهدك واختيارك وتفاعلك الجميل .. كلك ذوووق

[نوارة الكون]

نص جميل مع ان مسألة المن هذي تعطي انطباع سلبي عن الحبيب الذي لا ينسى ماضي حبيبه ويذكره له في اي فرصه .
اختيار رائع مميز

تسلم اخوي ومشكور ع المرور

[نوارة الكون]

قصيده جميله ،
يعطيك العافية '

مرورج الاجمل خيتو ربي يعطيج العافيه

[نوارة الكون]

نص جدا رائع
يسلموووو اختي ع الكلمات الراائعه ..
يعطيك العاافيه

تسلم اخوي ومشكور ع المرور المتميز
ربي يعطيك العافيه